Do 14 ao 24 de xaneiro do 2019 ábrese un novo período no que asociacións, colectivos informais, entidades e público en xeral poderán enviar proxectos e propostas para participar na elaboración e deseño do programa de primavera de Nocturnia, de febreiro a xullo de 2019, xerando así un proxecto global de participación xuvenil.

Os proxectos ou propostas presentadas artellan os 4 eixes nos que xira o programa (ámbito físico-deportivo, o artístico-cultural, o formativo-tecnolóxico e o lúdico-recreativo), sendo estes flexibles e variables segundo as propostas de cada edición e abertos a todas as propostas innovadoras que teñades.

TEDES UN PROXECTO OU UNHA IDEA PARA NOCTURNIA?

Enviade a vosa proposta a nocturniacoruna@gmail.com, coa seguinte información:

Datos de contacto:

• Nome e apelidos, teléfono de contacto, DNI, correo electrónico da persoa que presenta a proposta (persoa responsable).
• Indicar se quen presenta é:
  • Entidade (asociación, club, fundación...) e tipo (xuvenil, cultural etc...)
  • Colectivo non formal
  • Empresa / autónomo
• Presentación persoal ou da entidade

Descrición da proposta:

• Título e breve descrición da proposta
• Obxectivos da proposta
• Número máximo de persoas destinatarias
• Necesidades técnicas e recursos materiais
• Custo de realización (debe incluír o custo total do proxecto: persoal, materiais...)

Orzamento:

• Datos de quen emite o orzamento
• Coste total e desglosado da realización do proxecto
• IVA desglosado e IRPF no caso de habelo

Se tedes algunha pregunta sobre o proceso de envío, podedes poñervos en contacto co programa a través do correo electrónico nocturniacoruna@gmail.com