Un ano máis contaremos cunha nova edición do programa de ocio saudable para a mocidade Nocturnia, organizado pola área de Benestar Social do Concello da Coruña, a través do servizo de Participación e Mocidade.

Para esta nova edición, que irá desde os meses de marzo a xullo, gustaríanos contar coas vosas propostas e achegas.

TEDES UN PROXECTO?

Do 20 ao 31 de xaneiro do 2020 ábrese un novo período no que asociacións, colectivos informais, entidades e público en xeral poderán enviar proxectos e propostas a través do correo electrónico nocturniacoruna@gmail.com , para que participen na elaboración e deseño do programa de primavera, xerando así un proxecto global de participación xuvenil.

Os proxectos ou propostas presentadas artellan os catro eixos nos que xira o programa (ámbito físico-deportivo, o artístico-cultural, o formativo-tecnolóxico e o lúdico-recreativo), sendo estes flexibles e variables segundo as propostas de cada edición e abertos a todas as propostas innovadoras que teñades.

Ao presentar unha proposta, esta debe levar os datos que se relacionan a continuación:

DATOS DE CONTACTO

• Nome e apelidos, teléfono de contacto, dni, correo electrónico da persoa que presenta a proposta (persoa responsable).
• Indicar se quen presenta é:
  • Entidade (asociación, club, fundación...) e tipo (xuvenil, cultural etc...)
  • Colectivo non formal
  • Empresa/autónomo
• Presentación persoal ou da entidade

DESCRICIÓN DA PROPOSTA

• Título e breve descrición da proposta
• Obxectivos da proposta
• Número máximo de persoas destinatarias
• Necesidades técnicas e recursos materiais
• Custo de realización (debe incluír o custo total do proxecto: persoal, materiais, )

Orzamento detallado (segundo o modelo a descargar):

• Datos de quen factura.
• Coste de realización total do proxecto desglosando cada concepto que se factura
• IVE desglosado e/ou IRPF (no caso de habelo):
  • NOTA sobre o IVE: En caso de estar exentos/as do IVE, deberá aparecer ao final da factura o artigo que xustifica a exención. En caso de ter un IVE reducido deberá especificarse o motivo.
  • NOTA sobre o IRPF: en caso de ter un IRPF reducido deberá especificarse o motivo.

Se tedes algunha pregunta sobre o proceso de envío non dubidedes en poñervos en contacto co programa a través do correo electrónico.