Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Participación e Innovación Democrática

  • Compartir
  • Añadir a mi móvil | 
  • Imprimir

Cuándo:

20 de mayo de 2019

A fase de propostas de investimento no marco dos Orzamentos Participativos finaliza este martes, 21 de maio

A cidadanía pode consultar as achegas realizadas até o momento no web que sustenta o proceso, http://aportaaberta.coruna.es

A Concellería de Participación e Innovación Democrática informa de que mañá, martes 21 de maio, finalizará a primeira fase da nova edición dos Orzamentos Participativos, o programa de democracia directa posto en marcha polo goberno local mediante o cal a veciñanza decide libremente o destino dunha parte do presuposto municipal. A través dun proceso de achegas, apoios, valoración técnica e votación, a cidadanía escolle as iniciativas de gasto que pasarán a formar parte do proxecto de Orzamento Xeral do 2020.

De cara a esta edición do programa, a cuarta, destinaranse 3 millóns de euros, que se dividirán en 1 millón para o conxunto da cidade, e 2 que se redistribuirán, equitativamente, entre os 10 distritos do termo municipal, contando así con 200.000 euros por distrito. As propostas que a veciñanza pode presentar teñen que ser investimentos, de competencia municipal e que o seu custo non supere o importe máximo de 1 millón de euros nas propostas da cidade --no caso de superar o máximo de 200.000 asignado a distrito, a iniciativa reclasificarase como achega para o conxunto--. Ademais, deberán ser legais e viables tecnicamente, e poderán abranguer numerosos ámbitos, como infraestruturas, medio ambiente, mobilidade, coidados e servizos sociais, turismo, emprego, cultura, deporte, promoción social, igualdade, saúde ou promoción económica, entre outros.

Todas as persoas empadroadas na Coruña e maiores de 16 anos poden presentar as súas propostas a través do portal http://aportaaberta.coruna.es, que sustenta o proceso, e na que se poden consultar as achegas que se recibiron desde o 25 de abril, así como os proxectos e o seu estado de execución que se levaron a cabo noutras edicións. Para poder propoñer, priorizar ou votar as propostas, é necesario ter cunha conta de usuaria do portal. As persoas que xa participaron noutras edicións non terán que crear un perfil novo, e todas aquelas que teñan dúbidas para acceder ou crear unha conta, poden solicitar colaboración no teléfono de atención cidadá 010. Ademais, como é habitual, e de cara a favorecer a participación, o Concello conta con puntos de apoio presencial, como son as bibliotecas municipais, os centros cívicos, o CMIX e a Federación de Asociacións Veciñais de A Coruña e Área Metropolitana.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?