Uso de cookies nas páxinas web do Concello de A Coruña

Nas páxinas web municipais utilizamos cookies propias e de terceiros para mellorar os nosos servizos mediante o análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso"..

Participación e Innovación Democrática

Cando:

7 de xuño de 2018

A ONU premia a plataforma dixital que dá soporte ao programa 'A Porta Aberta', na que o Concello da Coruña traballa de forma colaborativa con Madrid

O software libre que soporta o portal sobre o que se sostén o proceso de Orzamentos Participativos recibe este galardón internacional “por garantir a participación cidadá na toma de decisións dos gobernos”

A plataforma de participación CONSUL, na que o Concello da Coruña desenvolve o seu programa de Orzamentos Participativos, vén de recibir o Premio ao Servizo Público 2018 da Organización das Nacións Unidas (ONU), concretamente, na categoría  'Facer que as institución sexas inclusivas e garantan a participación na toma de decisións', na que se presentaron un total de 111 candidatas de todo o mundo. As razóns sinaladas desde a ONU á hora de outorgar o galardón refírense á utilidade da plataforma como ferramenta para facilitar que a cidadanía poida plantexar ideas e necesidades de forma directa e poñer a súa disposición os servizos públicos para que se poidan levar adiante.

A plataforma, baseada en software libre de código aberto, é unha proposta que desenvolveu o Concello de Madrid coa colaboración, entre outras institucións, do consistorio coruñés. O goberno local implantou en 2016 esta ferramenta a través do portal A Porta Aberta, que serve de base para a realización do programa de democracia directa Orzamentos Participativos, que permite que a cidadanía poida tomar decisións respecto a unha parte dos investimentos dos presupostos municipais. Neste momento, o programa desenvolve a súa terceira edición na Coruña.

A concelleira de Participación e Innovación Democrática, Claudia Delso, quixo salientar este xoves que o galardón "referenda a aposta polo traballo colaborativo entre as administracións". "A plataforma A Porta Aberta é a base dun programa que xa é central na acción de goberno, como son os Orzamentos Participativos. Este premio avala a aposta do goberno local pola participación e polos mecanismos de democracia directa na Coruña". A edil tamén destacou que o coruñés "seguirá a colaborar e alimentar tanto esta plataforma como outros proxectos colaborativos", en refencia á Plataforma de Goberno Aberto, Colaborativa e Interoperable que A Coruña está a desenvolver cos municipios de Madrid, Zaragoza e Santiago de Compostela  a través da convocatoria estatal Ciudades Inteligentes de la agenda digital para España.

  • Concello da Coruña
    • Ayuntamiento de A Coruña | Concello da Coruña
    • Praza de María Pita, 1. 15001 A Coruña
    • 981 184 200 ou desde dentro do termo municipal ao teléfono de atención 010
Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Safari e Microsoft Internet Explorer 10 ou superior. Instalar agora un navegador compatible

?