As nosas metas pasan por motivar a cada membro do Corpo da Policía Local na mellora continua da nosa actividade facéndoos partícipes na toma de decisións, garantindo uns niveis adecuados de formación continua dos/as axentes, solicitando a colaboración cidadá para avanzar en aspectos relativos á convivencia e seguridade cidadá e transformar as necesidades da veciñanza nos nosos propios retos para entre todos lograr que a nosa cidade continúe sendo unha das máis seguras de España e seguimos traballando para mellorar a coordinación co Corpo Nacional de Policía con reunións periódicas e comunicacións diarias a través da Comisión de Coordinación Policial.

Realizamos controis preventivos e disuasorios de seguridade cidadá, seguridade viaria e de cumprimento de normas administrativas de convivencia nos espazos públicos da nosa cidade, na procura de mellorar a tranquilidade e a sensación xeral de seguridade e continuamos desenvolvendo campañas programadas con especial incidencia sobre o cumprimento de normas de convivencia que sirva de recordatorio para a cidadanía e de actualización de protocolos e criterios de actuación para os/as axentes do Corpo da Policía Local.

Estamos a traballar na mellora dos aspectos cuantitativos e cualitativos do servizo que nos demanda a cidadanía, mellorando a eficiencia e a celeridade na resolución dos asuntos, incrementando a asertividade e a empatía cos veciños e veciñas, traballamos na toma de decisións homoxéneas ante situacións similares e sempre observando a máis estrita legalidade nas nosas actuacións para cumprir coa nosa razón de ser: velar polos intereses xerais e de servizo á cidadanía.

En definitiva, continuamos esforzándonos as 24 horas do día para estar máis preto da cidadanía e para dar mellor e máis pronta resposta ás súas inquietudes e necesidades.

O noso obxectivo de calidade pasa pola mellora continua da satisfacción xeral coa policía local: satisfacción cidadá, satisfacción das autoridades municipais e auto-satisfacción dos propios axentes que formamos a organización policial.

Presentación

Onde estamos

Organización