Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

11 de octubre de 2018

A Concellería de Culturas pon en marcha a décima edición do ciclo Poetas Di(n)versos, “un referente en todo o Estado, especialmente dedicado este ano á igualdade de xénero”

O programa estable arrincará o vindeiro luns, 15 de outubro, no Ágora co recital da galega Susana Sánchez Aríns e Joumana Haddad

O concelleiro de Culturas, José Manuel Sande, presentou esta mañá a décima edición do ciclo de recitais Poetas Di(n)versos, "un dos fitos anuais da programación municipal que marca a diferenza, xa que se trata da única oferta estable e pública que acolle a poetas locais e internacionais de maneira regular en todo o Estado". Nunha rolda de prensa, acompañado pola directora do programa, a tamén poeta e xestora cultural Yolanda Castaño, Sande recordou a aposta do seu departamento municipal "porque A Coruña sexa unha auténtica Cidade de Cultura, un obxectivo para o que é fundamental este ciclo que está, ademais, pegado á realidade e ao presente e que este ano ten un marcado carácter de xénero e de reivindicación", explicou. O responsable municipal convidou a toda a cidadanía a acudir o vindeiro luns, 15 de outubro, ao Centro Municipal Ágora, onde ás 20.30 horas darase por inaugurada esta nova edición cun recital a cargo de Susana Sánchez Aríns e Joumana Haddad.

O ciclo Poetas Di(n)versos, que trata de facilitar á cidadanía o acceso á palabra lírica, desenvolverase sempre no Ágora a través de recitais completamente gratuítos de preto dunha hora de duración que celebrarán sempre en luns e até o mes de xuño. Sande chamou a atención sobre a importancia dun ciclo "que aposta ademais pola dignificación e a normalización do galego como lingua de alta cultura, xa que as e os poetas participantes declaman os seus versos tanto no idioma orixinal como en galego". "Nuns tempos nos que vemos con asombro como aínda hai manifestacións de odio cara o noso idioma, cremos que a aposta por ciclos coma este é fundamental", dixo.

Castaño salientou este primeiro encontro de Poetas Di(n)versos como "un recital feminista e de feminismos, de loitadoras pola dignidade dos pobos marxinados e activistas a favor a liberdade de expresión e a igualdade de xénero". Así, salientou a figura de Sánchez Aríns, "autora galega do momento logo do grande éxito acadado polo seu título máis recente, Seique, e profesora implicada en cooperación ao desenvolvemento dende unha perspectiva de xénero", que forma parte ademais da plataforma de crítica literaria feminista A Sega.

"Pola súa banda, Joumana Haddad está considerada unha das mulleres máis influíntes do mundo árabe. Figura revolucionaria no Líbano polo seu activismo social e cultural, ademais de escritora é profesora universitaria, e unha afouta xornalista que adoita colaborar con medios que van dende The Guardian a Corriere della Sera. Ademais, fala sete idiomas e desempéñase tamén como tradutora", comentou a directora do programa.

Recitais de inverno

Sande e Castaño salientaron tamén o nivel do resto dos recitais previstos para este ano. O luns 26 de novembro coincidirán dous nomes con raíces lucenses, a fonsagradina Xiana Arias e o cubano Víctor Rodríguez-Núñez, artistas poéticos que conxungan memoria e pensamento. O trimestre rematará coa reunión, o 17 de decembro, de dous dos nomes máis célebres das letras galegas e vascas: Antón Reixa e Bernardo Atxaga.

Castaño recordou que os e as poetas participantes asinarán exemplares tras os seus recitais. A dinamizadora cultural, que se encarga da tradución ao galego do ciclo, foi recoñecida por este labor no ano 2014 co Premio da Crítica Galicia á Mellor Iniciativa Cultural.

Documentos:

Programación do luns 15 de outubro de Poetas Di(n)versos (815 KB)

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?