Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

1 de octubre de 2019

A Concellería de Deportes impulsará a creación dunha zona específica para correr no paseo marítimo

A Coruña vivirá este domingo a súa carreira popular C10 máis inclusiva coa participación de atletas con discapacidade sensorial, funcional e intelectual. A C10 contará cun total de 3.460 participantes. Como novidade, este ano o circuíto poderase seguir nunha pantalla xigante que se instalará na explanada de Riazor.

 O edil de Deportes, Juan Ignacio Borrego, presentou esta mañá en María Pita xunto co presidente da Federación Galega de Atletismo, Isidoro Hornillos, a XIII edición da Carreira C10 que se realizará este domingo ás 10.00 horas e na que se inscribiron un total de 3.460 persoas: 2.537 homes e 923 mulleres.  

Durante a presentación, o edil de Deportes, no marco do compromiso do Goberno local co fomento do deporte e a mellora das instalacións, confirmou a intención do concello de poñer en marcha unha zona para correr específica que discorrería polo paseo marítimo onde as persoas "terían a posibilidade de controlar os seus adestramentos a través de distintos sistemas". A nosa idea, dixo, é que sexa un circuíto urbano estable que reúna todas as condicións necesarias para a práctica do deporte.  

Nesta edición, a carreira C10 dá un paso máis na inclusión social e correrán atletas con discapacidade sensorial, funcional e intelectual. Súmanse á categoría xa existente de atletas en cadeiras de rodas homologadas e, por primeira vez, tamén se lles aplicarán as mesmas categorías ás carreiras de menores. "Queremos potenciar a participación e contribuír desta maneira á práctica deportiva a todos os niveis, así como fomentar a sensibilización, o coñecemento e o respecto á diferenza", sinalou o edil Juan Ignacio Borrego.

Doutra banda, o responsable de Deportes fixo fincapé na necesidade de políticas transversais "que permitan que o deporte se converta en marca da cidade". "A Coruña ten todos os ingredientes para ser non só un escenario para a práctica do deporte, senón que tamén ten a capacidade para organizar eventos deportivos que sirvan como reclamo turístico".  

Pola súa parte, o  presidente da FGA, Isidoro Hornillos, destacou o valor polifacético da carreira; o seu rendemento deportivo, o seu aspecto social e os elementos saudables. "Unha carreira que cumpre trece anos e que é todo un referente deportivo en España", lembrou. Tamén sinalou que para evitar as molestias que ocasiona a carreira ao desenvolvemento do tráfico na cidade, o circuíto cerrarase unha hora e media despois do comezo.  

Organizada polo concello e a Federación Galega de Atletismo, a máis emblemática das carreiras da cidade, percorrerá un circuíto urbano de 10 km practicamente chairo e por asfalto na súa totalidade. Terá a súa saída na avenida da Habana e a meta estará no Paseo Marítimo, á altura do Palacio dos Deportes de Riazor. 

Como novidades este ano instalarase na explanada de Riazor xunto ao podio unha pantalla xigante para retransmitir a carreira. Ademais poderase gozar dun espazo sostible Coca Cola, tamén na explanada de Riazor, con xogos participativos.  

No aspecto deportivo, a carreira contará na categoría masculina co atleta kenyano de 19 anos, Shamack Kiprop, cunha marca de 28´26" no 10.000 de Burjasot abril 2019 e tamén vencedor en 2019 do 10k Internacional de Albacete; e na categoría feminina coa atleta Jennifer Koech, marca persoal 32´36" en El Doret 2018.  

O acto contou coa presenza de Rebeca Tohux, responsable de Relaciones Externas de El Corte Inglés; María Silvia Rodríguez López, representante de Coca Cola; Jorge Blanco, Juez Árbitro Internacional RFEA, Sergio Castellanos, representante del Club Hércules Termaria e Pilar Fernández, presidenta do Clube Femenino de Atletismo 'La Mochila del Deporte'.   

SERVIZOS DA CARREIRA

Caixóns de saída: 5 caixóns de saída distribuídos segundo os dorsais asignados. As persoas participantes deberanse colocar na zona acoutada que lles corresponda na saída, segundo o dorsal que teñan asignado. Os caixóns organízanse por cores. Deberán estar nos seus postos 10 minutos antes do disparo oficial de saída.  

Servizo de duchas e gardarroupa: as e os atletas contarán cun servizo para gardar a roupa no Frontón Municipal de Riazor, desde as 8:30 horas ata as 13:00 horas. Servizo de duchas: estará instalado o servizo de duchas no Frontón Municipal de Riazor dende as 10:00 ás 14.00 horas. 

Servizo de fisioterapia: coa colaboración da Deporclínica e alumnado da Universidade de Fisioterapia da Coruña, estará dispoñible no ximnasio do Palacio de Deportes de Riazor. 

WC: dispoñibles no Frontón Municipal de Riazor.

Avituallamento: no desenvolvemento da carreira establecerase un punto de avituallamento entre os quilómetros 5 e 6, no paseo marítimo, para favorecer a hidratación das e dos atletas durante o exercicio. Tamén ao seu paso pola meta  poderán recoller o avituallamento líquido e sólido proporcionado polos patrocinadores: Coca-Cola e Horno San Brandán.  

Chips e dorsais: todas as persoas corredoras deberán levar ben colocado o dorsal que leva incorporado o chip. Haberá varios puntos de control de chips ao longo de todo o percorrido. A participación sen dorsal, ou doutra persoa corredora ou cun dorsal que non sexa o oficial da proba está totalmente prohibida.  

Os dorsais pódense recoller no departamento de Deportes de El Corte Inglés de Ramón y Cajal, o venres 4, de 17.00 a 22.00 horas, e o sábado 5, de 10.00 horas a 21.30 horas. Todas as categorías corren con chip e dorsal, excepto a categoría prebenxamín que soamente leva dorsal.

A entrega de premios: realizarase no palco situado na explanada de Riazor, en canto terminen as carreiras de menores, aproximadamente ás 13:30 horas.

Para máis información http://www.coruna.gal/carreraspopulares/es

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?