Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

8 de noviembre de 2019

A Fundación Luís Seoane abre as súas portas ás últimas tendencias en música electrónica

O museo coruñés acolle o próximo día 23 de novembro o 2º Encontro de Síntese Modular da Coruña

O concelleiro de Cultura, Jesús Celemín, presentou hoxe en María Pita o 2º Encontro de Síntese Modular da Coruña, Modulartec, que se realizará o próximo 23 de novembro na sede da Fundación Luís Seoane. O acto contou coa presenza da directora da fundación, Silvia Longueira e o responsable artístico do evento, Juan de la Colina, quen destacou que, tras o éxito da primeira edición, Modulartec consolídase apostando por "novas cuestións relacionadas coa composición e a creación musical electrónica con sintetizadores".

Deste xeito, tal e como sinalou o edil de Cultura, a música electrónica sairá dos circuítos habituais e a cidadanía coruñesa terá a oportunidade de escoitar as últimas tendencias en música electrónica. Nesta ocasión, a xornada abordará como "os sintetizadores de antes e os de agora conformaron e conforman unha linguaxe propia" e, ao mesmo tempo, servirá para "dar un empuxe a unha música cuxos sons van máis aló do comercial", explicou o concelleiro.

Jesús Celemín sinalou que o evento traerá á cidade músicos internacionais, como o alemán Jan Jelinek, e figuras locais como Francisco Parga e Suso Flores que "intercambiarán opinións e reflexionarán sobre o seu traballo" mentres que as persoas espectadoras gozarán de novos sons nun evento diferente que sitúa A Coruña nun circuíto internacional de músicos e creadores amantes da música, xa que se poderá escoitar desde música clásica ata a máis experimental.

Juan de la Colina quixo destacar que a proposta que presentan "é máis radical e abandona os sons das pistas de baile para abrir un diálogo máis cosmopolita co público" e lembrou que esta iniciativa que realiza a súa segunda edición ten xa unha longa tradición na cidade.

A primeira vez que os sons electrónicos se escoitaron na fundación fixérono en 2005 co nome de Block Party que pasaría a ser Artec, un festival que axuntaba a arte audiovisual e a música electrónica.

De la Colina destacou tamén a participación de Franciso Parga, un profesor de música de 80 anos moi coñecido na cidade, que será o encargado de impartir unha charla no salón de actos da fundación ás 19.30 horas, mentres que a música encheráo gran vestíbulo do museo ata as doce da noite.

Pola súa banda, a directora da fundación, Silvia Longueira, explicou que Modulartec forma parte da programación da fundación que busca achegar ao público coruñés todas as músicas contemporáneas. Anunciou ademais que o museo acollerá en decembro o programa Escoitas, unha aproximación á musica contemporánea clásica da man de diferentes compositores e artistas. E, no mes de maio, dentro da semana dos museos realizarase o festival Resis, un punto de encontro próximo e aberto entre creadores e público, no que converxen a música e a creación de vangarda.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?