Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

19 de noviembre de 2019

Celemín destaca o Fanzine Fest como un referente da música electrónica de vangarda

O edil presentou esta mañá a quinta edición, que terá lugar do 5 ao 7 de decembro, e que se completará cun amplo programa de actividades didácticas para a cativada, demostracións en directo e unha feira do disco

O concelleiro de Cultura, Jesús Celemín, presentou esta mañá a quinta edición do Fanzine Fest, que traerá música electrónica de vangarda do 5 ao 7 de decembro a distintos escenarios da cidade como os Museos Científicos, o Teatro Colón, a Fundación Luís Seoane e a sala O Túnel. Artistas recoñecidas/os como The Horrorist, Levon Vincent, Lena Andersson, Galaxian ou Dorian Concept daranse cita nesta entrega que se completará cunha ampla programación didáctica para as crianzas. O edil destacou que o evento xa é un referente a nivel nacional e internacional e agarda que non só atrape a xente afeccionada á electrónica da cidade e de fóra dela, senón que sirva para que a veciñanza allea a este xénero teña unha primeira toma de contacto con el a través de sesións ou obradoiros.

Fanzine Fest é unha iniciativa promovida por Fanzine Project que aposta por ofrecer unha visión heteroxénea e actual da vangarda audiovisual, en que converxerán estilos variados. Nesta quinta edición, o festival destaca tanto pola calidade do seu cartel como pola multiplicidade dos escenarios en que se desenvolve, e pola consolidación do seu formato expandido a través de actividades formativas e workshops que terán lugar os días 6 e 7 de decembro en dúas localizacións vinculadas á creación contemporánea, a Fundación Luís Seoane e o espazo Maker do museo científico Domus.

Os directores do 5.º Fanzine Fest, Roi Grobas e Pablo Cubeiro, deron a coñecer este martes todos os detalles da programación expandida do festival, que conta coa participación do Concello da Coruña, Estrella Galicia, Gadis e WE The Sustainability Project. Así, o programa inclúe o día 6 de decembro unha xornada de portas abertas e viaxes sonoras na Fundación Luís Seoane - onde SON Estrella Galicia instalará un escenario con sesións musicais e formativas, ademais dunha feira de discos para amantes do vinilo.

O centro acollerá tres espazos diferenciados en función do tipo de actividades e públicos, coa idea de lle poder ofrecer a cada colectivo unha experiencia sensorial única. Así, o espazo SONS, que estará aberto das 12.00 ás 3.00 horas, alternará DJ e ao vivo sets dun cartel encabezado polo británico Galaxian, e onde tamén estarán presentes Amulador, Bosidilong, Kushan Khan Nomind, Lefrenk, Viktor Flores, Pervert, The Panic Room e o dúo RAM, gañador da I Convocatoria de Música Electrónica promovido este ano por Fanzine Project.

Entre as actividades paralelas destacan "A feira do disco", un lugar de encontro e intercambio de música; un obradoiro de reciclaxe con caixas de cartón e unha serie de acción de concienciación baixo a denominación The Wall. O espazo Obradoiros, dirixido a persoas adultas, abrirá de 12.00 a 20.00 horas con obradoiros temáticos, charlas coloquio e demostracións en directo de artistas recoñecidas/os da escena contemporánea audiovisual, como Sergi Palau ou Oswld. Este punto tamén será o espazo en que WE The Sustainability Project e o colectivo Retoque Retro presenten as súas propias liñas de traballo e actuación, vinculadas ao activismo ambiental e á sustentabilidade.

Por último, o espazo Nenas/os ofrecerá actividades musicais e culturais para público infantil e xuvenil entre as 12.00 e as 20.00 horas. Coa colaboración de WE e Gadis, este apartado contará con talleres que lles demostrarán ás e aos máis pequenos a aplicación das novas tecnoloxías á música; un obradoiro específico para afondar na

figura do DJ con elementos básicos dos ritmos, frecuencias e sons; unha sesión de customización de pezas; unha práctica de movemento e percusión corporal, ademais de construción de instrumentos; ou un taller de creatividade e arte con lixo mariño.

Todas as propostas infantís son gratuítas pero contan con prazas limitadas, polo que as persoas interesadas poderán reservar praza en www.fanzinefest.com. Así mesmo, durante a xornada, utilizaranse vasos compostables para reducir o impacto ambiental do evento.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?