Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

21 de noviembre de 2019

O Concello pon en marcha a campaña “Non é posible sen vós”, que busca implicar os homes na loita contra a violencia sexual

A concelleira de Benestar Social, Yoya Neira, presentou esta mañá en María Pita, con motivo da celebración o próximo 25 de novembro do Día Internacional contra a Violencia de Xénero, unha campaña de sensibilización contra a violencia sexual. A campaña incidirá en programas de educación entre as e os máis novos que a Concellería pretende intensificar en colexios e institutos.

Con motivo da conmemoración do 25 de novembro, Día Internacional da Eliminación da Violencia contra as Mulleres, a concelleira de Igualdade, Benestar Social e Participación, Yoya Neira, presentou esta mañá unha campaña de sensibilización que aborda diferentes actividades e fai especial fincapé na violencia sexual. A campaña "Non é posible sen vós", que incide na necesidade de que os homes se impliquen na loita contra esta secuela social, inclúe un amplo abano de actividades desde obradoiros a xornadas e actividades deportivas. "Non é posible acabar coa violencia sexual sen o labor de concienciación e educación na outra metade da poboación", indicou Neira, quen mostrou a súa preocupación ante a "alarmante" evidencia de que os comportamentos machistas entre a mocidade teñen lugar a idades cada vez máis temperás.

Neste sentido, asegurou que a súa concellería pretende levar ao longo de todo o ano aos colexios e institutos campañas educativas e de concienciación para "traballar con nenas e nenos máis novas/os porque detectamos que os programas están a chegar tarde". O acceso ás novas tecnoloxías e a precocidade nas prácticas sexuais implican ás veces comportamentos e actitudes machistas que son incapaces de recoñeceren, explicou a concelleira. Para iso, insistiu, necesitamos a colaboración dos centros de educación primaria e dos institutos.

O eixe central da campaña terá lugar o día 25 coa lectura dun manifesto en María Pita por parte da alcaldesa, Inés Rey, e coa instalación dunha carpa no Obelisco onde se repartirán dípticos e tarxetas de información sobre as distintas actuacións que se levan a cabo desde o Centro de Información á Muller no ámbito contra a violencia de xénero. Ademais, tanto a Torre de Hércules como o Concello iluminaranse de cor morada. Obras de teatro, actividades para nenas e nenos a través do servizo de bibliotecas e de canguraxe municipal e o ciclo de cinema "Sexo ferido" son outras das actividades dun programa que vai más aló dun día concreto e no que se implican distintas áreas do Concello.

Neira quixo destacar a realización de dous obradoiros para os máis novos. O primeiro para mozas e mozos a partir dos 16 anos "Desatando outras masculinidades", que intentará, a través da reflexión en grupo, que a mocidade identifique comportamentos machistas que desembocan en actos de violencia sexual. E o segundo taller, destinado ás familias con rapaces e rapazas de entre 10 e 16 anos, "Violencias sexuais. Que está a normalizar a mocidade?" pretende afondar na identificación e abordaxe desta problemática de cara a un desenvolvemento saudable da mocidade.

O programa de actividades inclúe a celebración o 27 de novembro no Centro Ágora dunha xornada que, baixo o título "Outras formas de violencia de xénero: a violencia sexual", analizará, entre outros temas, a ciberviolencia, a violencia sexual nos medios de comunicación, o acompañamento terapéutico a mulleres que sufriron agresións sexuais, e como lle afecta un caso de violencia de xénero á muller e á súa familia.

Doutra banda, a Concellería de Deportes sumarase aos actos contra a violencia de xénero na VII carreira popular dos Rosales que se realiza el domingo 24, e , doutra banda, organizará o día 25 unha concentración pacífica na explanada do Pazo Municipal de Riazor, onde se formará un lazo humano para manifestar o rexeitamento contra a violencia machista. Poderán participar na concentración todas as persoas que queiran unirse. Farase unha ás 12.00 horas e outra ás 18.00 horas.

Para máis información sobre o programa de actividades:http://www.coruna.gal/igualdade

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?