Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

Cuándo:

27 de diciembre de 2019

O Goberno local asegura que a maioría das propostas de Ciudadanos xa están incluídas no proxecto de orzamentos de 2020

Lage indicou que o PP foi o único grupo que non achegou propostas para a cidade e, por tanto “non quixeron participar nestas negociacións, aínda que nós estivemos esperando ata o último momento a que fixesen achegas”

O Goberno local reuniuse coa voceira de Ciudadanos, Mónica Martínez, co fin de informala sobre as medidas propostas por este grupo que están incluídas nos orzamentos de 2020. A alcaldesa da Coruña, Inés Rey, e o voceiro do Goberno local, José Manuel Lage, aseguráronlle a Martínez que a maioría das súas propostas figuran no documento contable que será aprobado no mes de xaneiro tras o acordo acadado co resto de forzas progresistas da cidade. Lage indicou que o PP foi o único grupo que non achegou propostas para a cidade e polo tanto "non quixeron participar nestas negociacións, nós estivemos agardando ata o último momento a que fixesen achegas e non as fixeron".

Canto ás propostas do grupo de Ciudadanos, Lage agradeceulle as achegas e o espírito de contribuír con esta forma de facer política. "A cidade precisa uns orzamentos que son progresistas pero que non son sectarios. Non miramos de onde veñen, o que miramos é que sexan bos para a cidade", asegurou o voceiro socialista.

Pola súa banda, Mónica Martínez anunciou públicamente o seu apoio e apuntou que moitas das súas achegas coincidían coas do grupo de Goberno e por tanto cando "as vexamos plasmadas no papel apoiaremos estas contas". En concreto, falou dos fondos para erradicar o chabolismo, do programa para combater a soidade das persoas maiores ou do plan director da Torre. "Propostas que xa estaban recollidas neste proxecto de orzamentos e hai boa vontade de plasmalas de xeito definitivo", dixo Martínez.

Segundo Lage, o Goberno deixou sempre as "portas abertas". "Todos aqueles que quixeron facer cidade puideron facelo e chama a atención que un grupo tan numeroso como o PP seguise instalado no pasado, na confrontación. O contraste é evidente, o grupo de Ciudadanos, sen ter ningún acordo de mandato asinado con este goberno, está achegando ideas a este documento. Se a proposta é positiva para a cidade, estudarase sempre. A nós gustaríanos que o PP contribuíse con propostas. Nós á Xunta, por exemplo, nunca lle poremos obstáculos, todo o contrario, poñeremos facilidades para que haxa investimentos na Coruña e gustaríanos que fose esa a actitude", explicou o voceiro.

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?