CONTROIS PREVENTIVO-DISUASORIOS DE SEGURIDADE VIARIA

- Ás 02.50 horas do 8 de outubro, unha patrulla que realizaba labores de vixilancia pola rúa Mosteiro de Caaveiro, detectou, á altura do número 16, un vehículo estacionado en batería co motor aceso pero sen moverse. Ao achegarse ao turismo, observou que o seu condutor estaba durmido sobre o volante con signos evidentes de atoparse baixo a influencia de bebidas alcohólicas. O condutor, un home de 47 anos, arroxou uns resultados positivos (1,15 e 1,13 mg/l) polo que se lle tramitaron dilixencias ao Xulgado de Garda por un delito contra a seguridade viaria. O vehículo que conducía foi retirado por un amigo do condutor habilitado para conducir e en condicións normais.

- Ás 04.10 horas do 8 de outubro, unha dotación policial que realizaba labores de vixilancia pola rúa Pasadizo do Orzán, observou como o condutor dun vehículo accionou a marcha atrás con intención de abandonar o lugar ao decatarse da presenza policial. Ao dirixirse ao condutor, a patrulla detectou que presentaba signos evidentes de acharse baixo a influencia de bebidas alcohólicas, polo que deu aviso ao equipo de Atestados. O condutor, un home de 52 anos, arroxou uns resultados positivos (0,76 e 0,72 mg/l) polo que se lle tramitaron dilixencias ao Xulgado de Garda por un delito contra a seguridade viaria. O vehículo que conducía, da marca Audi, foi retirado por un amigo do condutor habilitado para conducir e en condicións normais.

- Ás 20.00 horas do 8 de outubro, unha dotación policial deu o alto a un ciclomotor cando circulaba pola avenida Alfonso Molina e comprobou que o condutor non obtivera nunca o permiso de condución. A patrulla tramitoulle ao condutor, un home de 25 anos, dilixencias ao Xulgado de Garda, por un delito contra a Seguridade Viaria e a motocicleta, da marca e modelo Gilera Runner, foi inmobilizada e trasladada ao Depósito municipal de vehículos.

- Ás 04.15 horas do 9 de outubro, unha patrulla detectou a un condutor dunha furgoneta que circulaba pola confluencia das rúas Hospital e Zalaeta, con signos evidentes de atoparse baixo a influencia de bebidas alcohólicas. O condutor, un home de 34 anos, foi sometido ás probas de impregnación alcohólica e arroxou uns resultados positivos (1,07 e 1,03 mg/l) polo que se lle tramitaron dilixencias ao Xulgado de Garda por un delito contra a seguridade viaria. Así mesmo, o condutor foi denunciado administrativamente por non presentar o vehículo á inspección técnica periódica e carecer de seguro obrigatorio. O vehículo que conducía, da marca Mercedes e do modelo 110D, foi inmobilizado e trasladado ao Depósito municipal de vehículos, como medida cautelar de seguridade viaria.