Aclárase que as medidas tomadas polo Goberno para protexer as persoas que viven de alugueiro refírense única e exclusivamente a aquelas que están en situación de vulnerabilidade, derivada de situacións provocadas polo COVID-19. As medidas son as seguintes:

• Suspensión de todos os desafiuzamentos sen alternativa habitacional ata que se cumpran 6 meses desde a fin do estado de alarma.
• Prórroga extraordinaria de 6 meses dos contratos de alugueiro de vivenda habitual a piques de vencer, para evitar subidas abusivas aproveitando o COVID-19.
• Microcrédtos do Estado a tipo 0 de xuro, para devolver en 6 anos (ampliable a 10) para que quen caia en situación de vulnerabilidade poida facer fronte ao pago do seu alugueiro.
• O Estado farase cargo das débedas de todas aquelas persoas inquilinas en situación de vulnerabilidade pola crise do coronavirus, que non logren saír desa situación e finalmente non poidan facer fronte á devolución das axudas públicas para o pago do alugueiro que se van poñer en marcha.
• As/os grandes propietarios ou tedores de vivenda débenlles realizar ás súas persoas inquilinas unha quita do 50% ou ben unha reestruturación da débeda en 3 anos. E, en calquera caso, estas/es inquilinas/os tamén se poden acoller ás liñas de axuda públicas.