Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

10 de xaneiro de 2020

Concello e Fundación EMALCSA impulsan o deporte inclusivo e solidario cun investimento de 250.000 euros para 26 entidades da cidade

A alcaldesa destacou o carácter innovador dun programa que prioriza a dimensión social e inclusiva das iniciativas seleccionadas

María Pita acolleu esta mañá o acto da sinatura dos convenios coas entidades deportivas seleccionadas na VI convocatoria de "Deporte Solidario e Inclusivo", impulsada pola Fundación EMALCSA. O obxectivo do programa é fomentar o deporte base como instrumento de intervención social para a integración de colectivos en risco ou en situación de exclusión social. En total, destinaranse 250.000 euros a 26 entidades que empregan un total de 354 traballadoras/es e mobilizan a 484 voluntarias/os. Estas entidades suman un total de 16.712 persoas socias e 3.406 licenzas de deporte federado das que o 35% son femininas.

O acto contou coa presenza da alcaldesa e presidenta da Fundación Emalcsa, Inés Rey, da súa vicepresidenta, Yoya Neira, do concelleiro de Deportes Juan Ignacio Borrego, e o director do departamento de Responsabilidade Social Corporativa de Gadis, Antonio Cortés, así como das persoas representantes das 26 entidades deportivas seleccionadas.

A rexedora destacou o carácter innovador desta sexta convocatoria ao impulsar o deporte como instrumento de intervención social, "estamos convencidos de que o deporte solidario e inclusivo vai constituír un vector de transformación da cidade, das entidades deportivas e da acción social". Neste senso, Inés Rey subliñou que as e os principais destinatarias/os destas axudas son as cativas e os cativos e adolescentes.

Nesta convocatoria priorizouse a dimensión social e inclusiva das iniciativas. Un 75% do financiamento destínase ao proxecto social e o outro 25% á actividade deportiva de base. Os proxectos e entidades beneficiarios supoñen unha ampla representación da diversidade de deportes que se practican na cidade: tenis, pádel, baloncesto, patinaxe, escalada, fútbol, e fútbol sala, esgrima, piragüismo, tenis, tenis de mesa, natación, rugby, hípica, wáter- polo, tríatlon, péntatlon moderno, halterofilia, tiro con arco e rugby.

Inés Rey encomiou o labor desenvolto desde a fundación ao "abrir novas liñas de intervención e abordar problemas vellos desde perspectivas novas" e felicitou as entidades deportivas pola calidade dos proxectos presentados, de maneira especial "pola sensibilidade que amosastes nas vosas propostas", que abarcan distintos ámbitos de actuación co obxectivo de favorecer a práctica deportiva para persoas en situación de risco social.

As 26 entidades que formalizaron coa súa firma o convenio presentaron proxectos que beneficiarán a preto de 14.300 persoas. Unha cifra, dixo, que inclúe, 600 prazas para gozar de maneira gratuíta de diversas actividades deportivas destinadas a nenas e nenos que foron derivadas por profesionais de Servizos Sociais.

Para o desenvolvemento dos proxectos seleccionados, as entidades deportivas contarán coa colaboración de entidades sociais especializadas na atención dos distintos colectivos beneficiarios dos proxectos da convocatoria, como son: Down Coruña, Aspronaga, Fundación Ingada, Aspace Coruña, ONG Ecos do Sur e Fundación Camiña Social, entre outras.

Con esta son seis as convocatorias promovidas pola Fundación Emalcsa cun total de 1,5 millóns de euros de investimento total. O programa conta desde o seu inicio coa colaboración de Gadis para o seu impulso e desenvolvemento. O representante de Gadis, Antonio Cortés, agradeceu durante o acto o labor social desenvolto polo Concello no ámbito do deporte inclusivo e puxo en valor as máis de 1.000 colaboracións da empresa no mundo do deporte.

As entidades seleccionadas son:

- Club Escuela Tenis Marineda

- Agrupación Montañeros Independientes

- Club Torre S.D.

- Club Zalaeta100Tolos

- Club Halterofilia Coruña

- Club Básquet Coruña

- Club del Mar San Amaro

- Sporting Club Casino de La Coruña

- Athletic Coruña Hockey Club

- Unión Vecinal Ventorrillo

- Club Hércules Termaria

- Club Ximnasia Rítmica María Barbeito

- Club Natación Coruña

- Club Maristas

- Club Viaxes Amarelle

- Galicia Rollers

- Club Marítimo Oza (O Puntal)

- Real Club Náutico de La Coruña

- S. D. As Xubias

- Asociación Coruñesa Waterpolo

- A.C.D. Salvador de Madariaga

- Club Eirís S.D. 

-Victoria C.F.

Subscrición ao boletín de actividades

Os campos marcados cun asterisco son obrigatorios

A subscrición a este boletín realizarase no idioma de navegación actual da páxina web: Galego

Política de privacidade

De acordo coa lexislación en materia de protección de datos e, en concreto, co Regulamento UE 2016/679, do Parlamento Europeo e do Consello, do 27 de abril, os datos persoais que vostede nos facilite voluntariamente no formulario de "Subscrición ao Boletín de actividades", serán tratados baixo a responsabilidade do CONCELLO DA CORUÑA, praza de María Pita, 1 (15001 A Coruña). Estes datos teñen a finalidade de lle ofrecer á cidadanía información a través do portal web do concello. O propio concello está lexitimado polo consentimento que vostede expresamente outorga mediante a aceptación da cláusula de protección de datos. Vostede pode retirar o devandito consentimento en calquera momento, sen efectos retroactivos.

Os seus datos de contacto trataranse durante o tempo que manteña a subscrición ou exerza o seu dereito de cancelación ou oposición.

Igualmente informámolo/a de que ten dereito a solicitarlle á persoa responsable do tratamento, en calquera momento, o acceso, rectificación ou supresión dos seus datos persoais e a limitación do seu tratamento. p>< p>Tamén terá dereito a opoñerse ao devandito tratamento, así como a solicitar, salvo casos de interese público e/ou exercicio de poderes públicos, a portabilidade dos seus datos. Os ditos dereitos poderá exercelos mediante unha solicitude remitida ao seguinte enderezo: Rexistro de entrada municipal, praza de Mª Pita, 1, coa referencia "protección de datos", a través dun escrito asinado para o efecto, achegando unha fotocopia do seu Documento Nacional de Identidade.

Igualmente poderá dirixir a dita solicitude directamente á persoa delegada de Protección de Datos.

Así mesmo, vostede ten dereito a presentar unha reclamación ante a Axencia Española de Protección de Datos ( AEPD).

Marca o seguinte cadro para aceptar a política de privacidade *

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión