A chegada do mes de novembro marca o comezo dunha festividade moi especial, con multitude de manifestacións populares. Nos nosos días é frecuente a mestura entre tradicións do mundo cristián con tradicións pagás e mesmo do mundo anglosaxón, que converteron esta celebración nunha das máis destacadas do outono.

Desde finais de outubro os centros cívicos municipais da Concellería de Igualdade, Benestar social e Participación organizan diversas actividades entre as que destacan as festas de Samaín, dirixidas ás nenas e aos nenos.

As festas son gratuítas pero as persoas interesadas accederán mediante invitación, que poden recoller no centro cívico correspondente.

As e os menores deberán estar acompañadas/os dunha persoa adulta durante a festa.

As festas de Samaín celébranse nas seguintes datas e centros cívicos:

• 25 de outubro en C.C. Monelos e CC Rosales
• 26 de outubro en C.C. Os Mallos, CC Novoboandanza, CC Labañou e CC Feáns
• 30 de outubro en C.C. San Diego, CC Elviña, CC Castrillón
• 2 de novembro en C.C.Monte Alto
• 16 de novembro en C.C. Mesoiro

Para maior información diríxete ao teu centro cívico ou á páxina de actividades socioculturais desta web.