Hoxe publicouse no Boletín Oficial da Provincia a convocatoria de bolsas comedor 2021/2022. Os impresos estarán dispoñibles nas oficinas de todos os rexistros municipais, nos centros cívicos municipais, nesta mesma web e en sede electrónica.

A solicitude específica, os anexos e o resto de documentación esixida na convocatoria poderá presentarse, logo da cita previa, nos rexistros municipais (praza de María Pita, Franxa, Fórum Metropolitano, Centro Ágora e do CCM Mesoiro), no rexistro telemático da sede electrónica municipal así como en calquera outro dos previstos no art. 16.4 da Lei 39/2015, do 1 de outubro, do procedemento administrativo común das administracións públicas entre o día 5 e o día 30 de abril. A dita solicitude realizarase a nome da persoa beneficiaria, neste caso a alumna ou o alumno que efectivamente use o comedor escolar.

Todas as listas que se publiquen (requirimentos de corrección, listas provisionais e definitivas...) identificarán a persoa beneficiaria atendendo ao código de asento de rexistro da solicitude inicial.

Ao final desta noticia, en Trámites relacionados, está toda a información necesaria para cubrir o trámite.