Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

Cando:

12 de xaneiro de 2020

Benestar Social revisa á alza o prezo do menú completo dos restaurantes colaboradores no programa municipal Talón Restaurante

Yoya Neira anunciou que a concellería asume este incremento de 0,5 euros que os hostaleiros e hostaleiras participantes nesta iniciativa levaban tempo demandando

A Concellería de Benestar Social e Igualdade anunciou a través do envío dunha carta informativa aos hostaleiros e hostaleiras colaboradores do programa Talón Restaurante Municipal que o Concello asumirá a subida de 0,5 euros no prezo final dos menús, tal e como viñan demandando desde fai tempo.

A edila desta concellería, Yoya Neira, explica que "desde hai moitos anos, este programa tivo un gran éxito xa que permitiu que as persoas beneficiarias do mesmo teñan acceso a unha dieta equilibrada así como a un espazo de socialización, co consecuente beneficio para a súa saúde física e emocional" e, detalla, "o Talón Restaurante sempre ofreceu un servizo de calidade e para que así siga sendo, a Concellería de Benestar Social e Igualdade decidiu revisar á alza o prezo do menú completo que se pode consumir nos diferentes restaurantes colaboradores".

Deste xeito, o prezo máximo do devandito menú pode ser de 7,8 €. Esta subida de 0,5 € non repercutirá na persoa usuaria, que continuará pagando o mesmo que ata o de agora. Será a achega económica municipal, a través do talón que entregan as persoas usuarias no establecemento, a que asuma o incremento.

Neira aproveitou a comunicación cos hostaleiros e hostaleiras para convidarlles "a ampliar a súa colaboración co Concello no coidado dos nosos maiores e a que formen parte do programa Redeiras, unha das ferramentas coas que contamos para previr os casos de soidade". Con esta iniciativa, as persoas colaboradoras poñen en coñecemento do Concello aqueles casos de persoas maiores que acoden habitualmente aso seus establecementos e deixan de facelo.

Novas máis vistas

Sen resultados.

Noticias

Prestacións

Subscrición ao boletín de actividades

Novidades

  • Cando:

    21 de xaneiro de 2021

    Benestar Social abre unha nova convocatoria de actividades socioculturais en liña e gratuítas

    As clases, que se impartirán desde o 25 de xaneiro até o 14 de maio, “son totalmente gratuítas e para toda a cidadanía, para salvagardar a seguridade das e dos veciños. Agardaremos a evolución da situación epidemiolóxica antes de decidir se abrimos unha modalidade presencial”, sinalou a concelleira de Benestar Social, Yoya Neira

  • Cando:

    14 de xaneiro de 2021

    O Pleno concédelle a Medalla ao Mérito da cidade á Asociación de Personas Sordas de A Coruña

    Inés Rey: “ASPESOR foi a orixe da Federación de Asociacións de Xordos de Galicia que se converteu nun referente dentro e fóra de Galicia e tamén do movemento asociativo das persoas xordas”. A concelleira de Benestar Social, Yoya Neira, anunciou que este ano se asinará un convenio para que o concello conte cunha persoa intérprete de signos e que aínda quedan reivindicacións pendentes, como a presenza destas/es profesionais nos hospitais e nas administracións e que se impartan clases de LSE nos colexios.

  • Cando:

    13 de xaneiro de 2021

    O Concello e Agalure lanzan unha campaña para concienciar a mocidade sobre a adicción ás apostas deportivas

    A concelleira de Benestar Social, Igualdade e Participación, Yoya Neira, apuntou á “importancia de traballar neste tipo de iniciativas nunha vertente positiva e con referentes reais para as e os xoves” e destacou “o compromiso do Goberno local na loita para combater todo tipo de adiccións entre a mocidade”

Novidades

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión