ACCIÓNS COFINANCIADAS POLO FONDO SOCIAL EUROPEO, ENMARCADAS DENTRO DO PROGRAMA OPERATIVO DO FSE GALICIA 2014-2020

A Subdirección Xeral de Inclusión, Inmigración e Acción Social subvencionará programas desenvolvidos desde o noso concello para a inclusión social da poboación xitana, inmigrante e persoas en risco de exclusión.

A orde reguladora do 18 de xullo do 2017 pretende impulsar programas baseados principalmente na atención a persoas que atravesan por procesos de enfraquecemento dos seus vínculos persoais e/ou sociais e que precisan dun acompañamento técnico que facilita e/ou posibilite a súa inserción social e laboral. Dentro deste contexto, as persoas perceptores de rendas mínimas, persoas pertencentes a colectivos con dificultades de integración social como a comunidade xitana e os/as inmigrantes, entre outros, considéranse vulnerables e, polo tanto, susceptibles de ser destinatarios de accións que os acompañen no seu proceso de cambio.

Como se recolle na devandita orde, estas tipoloxías de programas serán financiados con fondos FSE no Programa operativo de Galicia 2014-2020, con encaixe no obxectivo temático 9: "promover a inclusión social e loitar contra a pobreza e calquera forma de discriminación. 9.1: "A inclusión activa", tamén con vistas a promover a igualdade de oportunidades, así como a participación activa e a mellora das posibilidades de atopar un emprego. Obxectivo específico 9.1.1: "Mellorar a inserción sociolaboral de persoas en situación ou risco de exclusión social, a través da activación e de itinerarios integrados e personalizados de inserción".

Concedeuse a subvención solicitada por este concello para o desenvolvemento dos seguintes programas dirixidos á inclusión sociolaboral de colectivos vulnerables:

• Programa dirixido á inclusión social da comunidade xitana, que inclúe actuacións nas áreas de inclusión, emprego, vivenda, educación e saúde.
• Programas dirixidos á inclusión social da poboación inmigrante. Dirixido á poboación inmigrante extracomunitaria residente en Galicia. O seu contido comprende accións de asesoramento social e xurídico.
• Programa dirixido á inclusión social de persoas en situación ou risco de exclusión social. O seu contido baséase na intervención realizada a través de itinerarios personalizados de inclusión sociolaboral.
• Programas complementarios de educación e apoio familiar dirixidos á inclusión social dos menores a cargo.