Horario

• Inverno (16 de setembro a 14 de xuño)
  • Luns a venres de 9.00 h a 20.30 h, excepto os mércores, que presta servizo ata as 16.00 h.
  • Sábados de 10.00 h a 14.00 h e de 17.00 h a 20.00 h
• Nadal (pechada os días 24 e 31 de decembro)

* As salas infantís abrirán de 16.00 h a 20.30 h de luns a venres (excepto os mércores), e os sábados de 10.00 h a 14.00 h e de 17.00 h a 20.00 h

Como chegar?

Localiza a biblioteca no mapa da cidade e visítanos! Se o vas facer en medios de transporte públicos ou en bicicleta esta información serache útil:

Liñas de bus urbano

Liña 7 - Liña 12A - Liña 14

Estacións de bicicletas

• Casa da Auga
• Conchiñas
• Sagrada Familia

Que me ofrece esta biblioteca?

Nesta biblioteca, como nas outras sete, atoparás bibliotecarios e bibliotecarias dispostos a axudarche no que necesites.

Cada persoa ten o seu espazo na biblio: hai zonas especialmente pensadas e deseñadas para bebés, nenos e nenas, mocidade e persoas adultas.

Dispón de múltiples materiais para levares en préstamo, música e cinema, ordenadores de acceso público, conexión wifi, aulas para traballos en grupo ou para o autoaprendizaxe, consolas e videoxogos...

Busca e descubre todas as actividades e cursos que che ofrece esta biblioteca e as demais da rede

Máis información

A Biblioteca Municipal Ágora, inaugurada en 2012, é a de maior tamaño de todas as que forman a Rede de Bibliotecas Municipais da Coruña xa que supera os 1700 metros cadrados.

Situada xeograficamente á beira do histórico Barrio de Mariñeiros, dá servizo a unha ampla zona xeográfica, un importante volume de poboación que supera os 20.000 habitantes (San Pedro de Visma, parte de Labañou, Mariñeiros, Peruleiro, Agra do Orzán, Ventorrillo, A Silva e Cances).

A biblioteca está dentro do Centro Ágora, un equipamento municipal integrado e cunha variada programación dirixida a todo tipo de públicos.

A biblioteca actúa como un equipamento sociocultural de proximidade, dando servizo e atención ao conxunto da veciñanza da súa zona de influencia.

Consulta as cifras desta e doutras bibliotecas