Nos documentos que se achegan pódense consultar as listas de nenas e nenos admitidos. Non se terá dereito á praza ata que non se formalice a inscrición co pago en efectivo da cota correspondente no centro cívico.

Non haberá campamento, porque non se anotou ninguén, nos centros cívicos de Artesáns e San Pedro de Visma.

Nos centros que se relacionan a continuación, nos que as solicitudes de preinscrición foron insuficientes para facer grupo, ás e aos menores preinscritas/os déuselles praza nos centros próximos que tiñan vacantes:

• Labañou, pasan a Rosales
• Pescadores, pasan a Novoboandanza
• Sagrada Famila, pasan aos Mallos

Nalgúns centros hai prazas vacantes, como se indica nas propias listaxes.

As persoas interesadas nas prazas vacantes poden acudir ao centro cívico e contactar co persoal da empresa adxudicataria nos días e horario da inscrición nos campamentos.

As prazas vacantes adxudicaranse por orde de inscrición ata cubrir a cota. Non se ampliarán grupos, só se cubrirán as prazas vacantes dentro de cada grupo.