Concello da Coruña

Concello da Coruña

Cando:

8 de marzo de 2023

Bolsas comedor para o curso escolar 2023/24

O prazo para a solicitude das bolsas de comedores escolares irá desde o día 13 de marzo ata o 12 de abril, ambos os días incluídos.

Publicouse no Boletín Oficial da Provincia a convocatoria de bolsas comedor para o curso escolar 2023/2024. .

A solicitude específica, os anexos e o resto de documentación esixida na convocatoria poderán presentarse, previa cita, nos rexistros municipais (praza de María Pita, Franxa, Fórum Metropolitano, centro Ágora e do CCM Mesoiro), no rexistro telemático da sede electrónica municipal, así como en calquera outro dos previstos no art. 16.4 da Lei 39/2015, de 1 de outubro, do Procedemento Administrativo Común das Administracións Públicas entre o día 13 de marzo e 12 de abril de 2023.

A solicitude de cita pode facerse por Internet: Cita previa

Tamén se pode solicitar a cita no número de teléfono 010

Os impresos estarán dispoñibles nas oficinas de todos os rexistros municipais, nos centros cívicos municipais, e na sede electrónica.

A solicitude realizarase a nome da persoa beneficiaria (alumna/o), debendo asinar a solicitude a persoa que represente legalmente á alumna ou alumno, no caso de que sexa menor de idade.

O trámite completo, cos anexos que hai que presentar, atópase nesta ligazón. Os documentos atópanse na lapela presentación: Bolsas comedor

Todas as listaxes obxecto de publicación (requirimento de corrección, listaxe provisional ...) identificarán a solicitude do alumnado atendendo ao código do seu expediente individual.

Ademais, para facilitar a presentación de solicitudes e a resolución de dúbidas sobre a convocatoria, realizaranse sesións informativas nalgúns centros cívicos municipais, abertas ao público. Para ditas sesións non será necesaria realizar inscrición previa e serán nas seguintes datas:

15 de marzo: 11.30 H CCM MONTE ALTO

16 de marzo: 20.00 H CCM MESOIRO

17 de marzo: 16.00 H CCM MONELOS

20 de marzo: 16.00 H CCM ROSALES

21 de marzo: 10.00 H CCM SAN DIEGO

23 de marzo: 18.00 H CCM MALLOS

24 de marzo: 10.00 H CCM PESCADORES

Documentos:

Convocatoria 2023-2024 bolsa comedor castelán (1 MB)

Convocatoria 2023-2024 bolsa comedor galego (1012 KB)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión