O 7 de xullo de 2020 publicáronse as axudas concedidas e denegadas para o transporte en taxi de persoas con discapacidade. Estas axudas, concedidas idividualmente en forma de bonos, puidéronse consultar no taboleiro de anuncios e edictos da sede electrónica do Concello da Coruña.

O 29 de xullo de 2020 publícase no taboleiro de anuncios e edictos da mesma sede electrónica a resolución definitiva de concesión e denegación de axudas para o exercicio 2020 con publicación colectiva das ditas concesións ou denegacións.

Contra esta resolución, definitiva en vía administrativa, as persoas interesadas poden interpoñer os seguintes recursos:

• Recurso de reposición no prazo dun mes, que se conta desde o día seguinte á publicación no taboleiro de anuncios.
• Recurso contencioso administrativo no prazo de dous meses, que se conta desde o día seguinte á publicación no taboleiro de anuncios.