O Boletín Oficial da Provincia publica hoxe a convocatoria de axudas económicas de carácter individual para o uso do taxi a aquelas persoas con discapacidade que, por estaren gravemente afectadas na súa mobilidade, teñan problemas para usar o transporte público colectivo.

O prazo de presentación de solicitudes será do día 27 de novembro ao 28 de decembro e pódese facer de varias maneiras:

• Presencialmente nos rexistros xerais do Concello da Coruña. Poderase utilizar o modelo xeral de solicitude que se atopa nos rexistros xerais.
• Telematicamente, identificándose con DNI electrónico ou certificado dixital aquí
• Por correo certificado, dirixido ao Rexistro Xeral do Concello
• Nos demais supostos contemplados no artigo 16.4 da Lei 39/2015, do 1 de outubro, do procedemento administrativo común das administracións públicas.

Toda a información está no Taboleiro de Edictos da sede electrónica do Concello da Coruña.