Uso de cookies nas páxinas web do Concello da Coruña
Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso
Convocatoria de axudas para o transporte de persoas con discapacidade
O prazo de presentación de solicitudes é desde o día 17 de novembro ao 16 de decembro de 2022.
O día 16 de novembro publicouse no Boletín Oficial da Provincia a convocatoria específica para a concesión de axudas económicas para persoas cunha discapacidade, que afecte gravemente á súa mobilidade e lles impida utilizar os transportes públicos colectivos, co obxectivo de proporcionarlles un servizo alternativo de taxi para os seus desprazamentos durante o exercicio 2023.
O prazo para a presentación de solicitudes será desde o día 17.11.2022 ata o día 16.12.2022 (ambos os dous días incluídos).
As persoas beneficiarias, ademais dos previstos con carácter xeral no artigo 13 da Lei Xeral de Subvencions, deberán cumprir os seguintes requisitos:
Ser maior de 3 anos.
Residir no Concello da Coruña e constar como empadroada/o.
Ter recoñecida legalmente a condición de persoa con discapacidade mediante resolución (ou documento equivalente) do organismo competente da Xunta de Galicia ou Administración competente na que conste que a discapacidade afecta gravemente á mobilidade e impide utilizar os transportes públicos colectivos.
No caso de que a persoa solicitante estea en activo, non ter recoñecido este beneficio por convenio colectivo, contrato laboral ou calquera outro título acreditativo. Nin tampouco ter dereito a este servizo a través de ISFAS, MUFACE ou outra entidade.
Se a persoa é maior de 18 anos, non constar como titular de vehículo.
Non dispoñer dunha capacidade económica, segundo o establecido nas bases reguladoras desta convocatoria, superior ao 210 % do IPREM vixente no ano 2023.
Estar ao corrente das súas obrigas fiscais coa Axencia Estatal da Administración Tributaria (AEAT), co Concello da Coruña, así como coa Tesourería da Seguridade Social.
Toda a información, procedemento e documentos están na sede electrónica municipal premendo na seguinte ligazón
Bono taxi
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge.
Instalar agora un navegador compatible