20 de marzo de 2014
Adeus á pioneira Milagros Rey Hombre
Milagros Rey Hombre foi a primeira muller en exercer a arquitectura en Galicia. Arquitecta xefa da sección técnica do Concello da Coruña, tendo ao seu cargo o persoal de Urbanismo e o corpo de Bombeiros.
Entre as súas obras máis destacadas figura a construción da Torre Dourada (dos mestres) que tamén foi o primeiro rañaceos da Coruña, o local social dos mariñeiros, unha obra realizada co apoio das mulleres dos pescadores como ela mesma dicía "unha obra levantada totalmente por mulleres".
Tamén exerceu a docencia na Escola de Arquitectura e foi condecorada coa Medalla Castelao en recoñecemento á súa traxectoria profesional realizada en Galicia.
No 2012 rendéuselle unha das súas últimas homenaxes públicas no Concello da Coruña, no acto institucional "Pioneiras", acto no que recoñecía o labor de moitas coruñesas que no seu día foron pioneiras.
Na contraportada de laopinióncoruña.es do día 9 de marzo do 2010 publicouse unha entrevista moi interesante con ela.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible