Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

19 de novembro de 2020

O Concello lanza a campaña “Ti decides” para concienciar a xuventude sobre a violencia de xénero

A concelleira de Benestar Social, Yoya Neira, explicou que a iniciativa pon o foco na violencia que se exerce sobre as mulleres, en especial na Internet e nas redes sociais

Ti decides" é o lema da campaña que o Concello da Coruña, a través da Concellería de Benestar Social, pon en marcha con motivo da celebración o próximo 25 de novembro do Día Internacional da Eliminación da Violencia contra as Mulleres. O obxectivo: concienciar a xuventude sobre a violencia sexual, unha das manifestacións máis duras da violencia de xénero, e sobre o seu dereito a acceder a unha información axeitada para abordar as relacións sexuais.

A concelleira de Benestar Social, Yoya Neira, sinalou que Internet e as redes sociais propiciaron novas formas de maltrato cara ás mulleres cada vez a idades máis temperás. Neste senso, Neira quixo incidir na falta de información sexual que existe nestes momentos entre unha xuventude que constrúe parte das súas relacións sexuais a través da Internet, as redes sociais e a pornografía con todo o que iso significa, e onde se cousifica a muller, e onde a muller se converte nun obxecto para ser aceptada", dixo.

Con todo, subliña, Internet e as redes sociais poden constituír una boa ferramenta para sensibilizar sobre a importancia de evitar ou rexeitar contidos ou relacións sexuais daniñas, e sobre a necesidade de que as relacións se baseen no respecto e na igualdade.

Fomentar a reflexión a nivel persoal e colectivo da adolescencia fronte a violencia sexual e transmitir a importancia de estar ben informadas/os son os obxectivos dunha campaña feita para as redes e que xira entorno á presenza de referentes para a xuventude como son os instagramers e tik tokers.  "A experiencia ensinounos que cando queremos chegar a un público concreto debemos facelo a través dos seus iguais, dos seus referentes", dixo Neira.

Trátase dunha campaña para eliminar estereotipos e ideas sexistas que circulan polas redes e que constitúen a esencia da violencia de xénero como son o dominio, o control, e o maltrato físico y psicolóxico do home sobre a muller. "Quérese incidir na idea de que unha relación sexual debe ser libre, consciente, consentida e igualitaria e que é a mocidade quen decide, por iso o lema elixido.", explicou Neira.

A campaña distribuirase fundamentalmente en redes sociais (Instagram e Tik Tok) e apoiarase nun circuíto de 25 mupis pola cidade, en vídeos das e dos influencers e instagramers @rebecastones, @bertocuerdo, @blondiemuser, e no reparto de  4.000 flyers con mensaxes diferenciadas dirixidas ás e aos adolescentes. A concelleira explicou que nas mensaxes ás rapazas se incíde no feito de que "deben de ser elas as que decidan cando, como, e con que manteñen relacións sexuais", mentres que no caso dos rapaces se busca a súa complicidade con palabras como "escoitala, respectala, empatiza coas súas emocións".

Ao longo da campaña repartirase material divulgativo nos centros de Secundaria e Formación Profesional, e nos coñecidos como puntos violetas do Pacto Social por unha Coruña Libre de Violencias Machistas proporcionarase información da campaña e das distintas actividades e actuacións que o concello leva a cabo. Os puntos situaranse desde o luns 23 ata o venres 27 en distintos puntos da cidade, entre eles, as facultades de Ciencias da Educación e de Dereito.

O programa de actividades e actuacións relacionadas coa campaña inclúe tamén a posta en marcha do curso básico "Igualdade e prevención das violencias machistas", que na modalidade en liña se está a realizando este mes e o próximo e que, debido á alta demanda, o Concello valora en ampliar a dúas edicións máis.

A concelleira tamén anunciou que, no marco do proxecto artístico Puertas, a alcaldesa, Inés Rey, inaugurará o día 25 a porta dedicada a María Judite, muller asasinada na cidade o 18 de xullo de 2018. Puertas, dixo Neira, busca chamar a atención da sociedade cara situacións cotiás que ocultan maltrato ou desigualdade de xénero e reivindicar o recordo das vítimas. No ano 2018 por cada asasinato machista, enviouse unha porta a unha ou a un artista que foi empregada como soporte para crear a súa obra.

Subscrición ao boletín de actividades

Os campos marcados cun asterisco son obrigatorios

A subscrición a este boletín realizarase no idioma de navegación actual da páxina web: Galego

Política de privacidade

De acordo coa lexislación en materia de protección de datos e, en concreto, co Regulamento UE 2016/679, do Parlamento Europeo e do Consello, do 27 de abril, os datos persoais que vostede nos facilite voluntariamente no formulario de "Subscrición ao Boletín de actividades", serán tratados baixo a responsabilidade do CONCELLO DA CORUÑA, praza de María Pita, 1 (15001 A Coruña). Estes datos teñen a finalidade de lle ofrecer á cidadanía información a través do portal web do concello. O propio concello está lexitimado polo consentimento que vostede expresamente outorga mediante a aceptación da cláusula de protección de datos. Vostede pode retirar o devandito consentimento en calquera momento, sen efectos retroactivos.

Os seus datos de contacto trataranse durante o tempo que manteña a subscrición ou exerza o seu dereito de cancelación ou oposición.

Igualmente informámolo/a de que ten dereito a solicitarlle á persoa responsable do tratamento, en calquera momento, o acceso, rectificación ou supresión dos seus datos persoais e a limitación do seu tratamento. p>< p>Tamén terá dereito a opoñerse ao devandito tratamento, así como a solicitar, salvo casos de interese público e/ou exercicio de poderes públicos, a portabilidade dos seus datos. Os ditos dereitos poderá exercelos mediante unha solicitude remitida ao seguinte enderezo: Rexistro de entrada municipal, praza de Mª Pita, 1, coa referencia "protección de datos", a través dun escrito asinado para o efecto, achegando unha fotocopia do seu Documento Nacional de Identidade.

Igualmente poderá dirixir a dita solicitude directamente á persoa delegada de Protección de Datos.

Así mesmo, vostede ten dereito a presentar unha reclamación ante a Axencia Española de Protección de Datos ( AEPD).

Marca o seguinte cadro para aceptar a política de privacidade *

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión