Concello da Coruña

Concello da Coruña

Cando:

13 de decembro de 2022

Os centros cívicos da Coruña acollerán obradoiros infantís de Nadal, nos que os máis pequenos poderán gozar coas visitas de Papá Noel

Desde o 5 de decembro, xa é posible inscribirse nos talleres infantís, que darán comezo o día 22

Desde o pasado día 5 de decembro xa é posible inscribirse presencialmente nos Obradoiros infantís de Nadal con visita de Papá Noel que terán lugar nos diversos centros cívicos da cidade a partir do día 22. As pequenas e pequenos asistentes poderán gozar con sesións didácticas e de xogos nas que aprenderán a elaborar espirais e coroas de Nadal, así como outros traballos manuais propios destas datas.

Anotarse nas actividades é de balde, mais as prazas dos talleres estarán limitadas segundo a capacidade das instalacións. As entradas daranse por rigorosa orde de inscrición. 

As datas e horarios dos obradoiros son os seguintes:

  • Centro Cívico de San Pedro de Visma: Obradoiro de espirais de Nadal. Xoves 22 de decembro de 17.30 a 19.00 horas.
  • Centro Cívico da Sagrada Familia: Obradoiro de coroas de Nadal. Xoves 22 de decembro de 17.30 a 19.00 horas.
  • Centro Cívico de Feáns: Obradoiro de bóla de neve. Xoves 22 de decembro de 17.30 a 19.00 horas.
  • Centro Cívico de Santa Margarida: Obradoiro de espirais de Nadal. Xoves 22 de decembro de 17.30 a 19.00 horas
  • Centro Cívico de Santa Lucía: Obradoiro de espirais de Nadal. Venres 23 de decembro de 10.30 a 12.00 horas.
  • Centro Cívico de Pescadores: Obradoiro de Santa spinner. Venres 23 de decembro de 17.30 a 19.00 horas.
  • Centro Cívico da Silva: Obradoiro de espirais de Nadal. Venres 23 de decembro de 17.30 a 19.00 horas.
  • Centro Cívico de Artesáns: Obradoiro de coroas de Nadal. Xoves 22 de decembro de 17.30 a 19.00 horas.

Ademais, e no remate de cada obradoiro, os máis pequenos e pequenas recibirán a visita de Papá Noel. Non haberá variacións nos horarios das visitas de Papá Noel agás no caso do centro cívico de Santa Lucía, que terá lugar o día 23, aínda que de 11.30 a 13.30 horas.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión