- Inicio
- Prestacións
- Detalle Prestaciones Sociales
Ludoteca coeducativa
A ludoteca coeducativa é un espazo socioeducativo no que se realizan tarefas de forma regular ou continuada, dirixido tanto á poboación infantil como ás unidades familiares de referencia e no que se favorece o desenvolvemento persoal, social, afectivo e cognitivo do/da menor a través do xogo e dos xoguetes.
A quen vai dirixido?:
- Unidades familiares con problemáticas asociadas á conciliación.
- Menores de idades comprendidas entre os 4 e os 12 anos.
Organiza:
Requisitos:
- Necesitar medidas de conciliación da vida persoal, familiar ou laboral no termo municipal da Coruña.
- Estar empadroado ou empadroada no termo municipal da Coruña.
- Que se cumpra algunha das seguintes casuísticas: por motivacións laborais, participación en cursos de formación para o emprego, realización de entrevistas de traballo, períodos de proba profesionais, situacións puntuais de emerxencia familiar.
Poderase acceder a esta modalidade por motivacións relacionadas co lecer do menor e coa conciliación persoal da unidade familiar.
Tamén se valorarán as seguintes demandas:
- Que o menor ou a menor estea cursando estudos nun centro de ensino domiciliado no termo municipal da Coruña.
- Que o ou a responsable do/a menor realice a súa actividade profesional nun centro de traballo domiciliado no termo municipal da Coruña.
Prazo de presentación:
Todo o ano (salvo fins de semana e festivos).
Reserva de praza chamando ao teléfono 981.184.356.
Remuneración / Dotación:
O servizo ofrece un conxunto organizado e integrado de actividades que contribúen á conciliación persoal, familiar e laboral das súas respectivas unidades familiares.
As tarefas que se realizarán cos e coas menores abarcan: xogo de libre acceso, préstamo interior de xogos e xoguetes, actividades de animación sociocultural, atención psicopedagóxica (non se realiza apoio escolar).
Nesta modalidade do servizo son asesoradas as persoas responsables dos e das menores sobre o uso educativo dos xogos e xoguetes.
Todas as tarefas desenvolvidas promoverán a educación para a igualdade ben con carácter específico ou ben de modo transversal.
Duración: realízase con carácter anual (salvo domingos e festivos) en horario de tarde durante o curso escolar de luns a venres e os sábados en horario de mañá.
No período vacacional de verán, o horario desta modalidade poderá adaptar o seu horario para favorecer a conciliación das unidades familiares, o que poderá supoñer a realización dos axustes horarios pertinentes.
Entidades
Programa ao que pertence
Prestacións relacionadas
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible