2016
En concurrencia
Área de Igualdade e diversidade
Dende o 30/07/2016 ata o 29/08/2016
29 de xullo de 2016
Prazo de solicitude: 1 mes desde a súa aprobación no BOP
É obxecto desta convocatoria outorgar subvencións, en réxime de concorrencia competitiva, para apoiar economicamente as asociacións na promoción da igualdade de xénero e inclusión social atendendo ás diversidades existentes e a prevención das violencias machistas, de acordo con criterios obxectivos que ponderen a relevancia e coherencia.
Para o mellor desenvolvemento do seu labor, establécense tres tipos de liñas subvencionables dentro da presente convocatoria:
Liña 1: Fortalecemento e empoderamento do movemento asociativo no ámbito dos dereitos das mulleres e a non discriminación por cuestión de diversidade no municipio da Coruña
Liña 2: Actividades facilitadoras da inclusión da igualdade na diversidade
Programas:
2.1.-Fomento da cidadanía inclusiva. 2.2.-Promoción activa e defensa dos dereitos LGTBQI (lesbianas, gais, transexuais, bisexuais, queers, intersexuais).
Liña 3: Actividades para a prevención das violencias machistas no municipio da Coruña.
Programas:
3.1.-Fomento de actitudes favorables á igualdade de xénero e a erradicación de comportamentos violentos cara ás mulleres.
3.2.-Fomento de actitudes favorables aos dereitos das persoas LGTBQI e a repulsa de comportamentos baseados no odio ao non-heteronormativo.
Poderanse solicitar subvencións para unha ou varias liñas e/ou programas subvencionables nunha única solicitude, sempre que indique a entidade interesada cada actividade de forma independente e por orde de preferencia. No caso de presentar solicitude para máis dunha liña, programa ou actividade, a entidade solicitante deberá presentar memoria e orzamento de ingresos e gastos para cada unha delas.
Poderán ser beneficiarias para os efectos da presente convocatoria, as asociacións de mulleres, feministas, de persoas LGTBQI, de persoas migrantes, de persoas con diversidade de capacidades e/ou funcionalidades, así como entidades ou colectivos sen ánimo de lucro que teñan entre os seus fins ou actuacións a promoción da igualdade de mulleres e homes, os dereitos humanos e/ou a erradicación da violencia baseada no machismo.
As ditas asociacións deberán estar legalmente constituídas como entidades sen ánimo de lucro e inscritas no Rexistro Municipal de Asociacións Coruñesas (REMAC).
Quedan excluídas desta convocatoria as asociacións e entidades que sexan beneficiarias, no ano 2016, de convenio nominativo asinado coa mesma ou outra área do Concello da Coruña.
Contía total: 100.000,00 euros.
O orzamento máximo susceptible de ser subvencionado pode alcanzar ata o 100%.
O importe global distribuirase, sempre que as solicitudes presentadas o permitan cos seguintes límites máximos:
1) Programas de fortalecemento e empoderamento do movemento asociativo: ata o 40%.
2) Programas de fomento da inclusión da igualdade na diversidade: ata o 30%.
3) Programas de prevención das violencias machistas: ata o 30%.
Con carácter xeral, o recoñecemento da obriga a favor do beneficiario e o pago da axuda realizarase tras a presentación e aprobación da xustificación nos termos establecidos nesta convocatoria. Con todo, logo da previa solicitude da persoa interesada poderase acordar o pago anticipado da subvención outorgada. Neste caso deberase constituír unha garantía do 10% do importe total da subvención, que se poderá realizar mediante a retención do pago polo concello da devandita porcentaxe.
Resolución provisional publicada o 27/10/2016
Bases-convocatoria-subvenciones2016_Igualdad_cas.pdf (960 KB)
Bases convocatoria de subvencións de 2016 Igualdade e Diversidade (Gal) (397 KB)
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible