IBERICC GLOBAL ten como obxectivo promover a competitividade das Industrias Culturais e Creativas (ICCs) a través da promoción da cooperación empresarial e da implementación de novos modelos, ferramentas dixitais e estratexias para o sector, en particular para a súa internacionalización e á promoción de coproducións hispano-lusas.

Con esta finalidade, Concello da Coruña procede a convocar un proceso selectivo aberto para que as empresas culturais e creativas da Coruña poidan participar nas actividades do proxecto.

Para concorrer ao proceso, as empresas interesadas deberán completar un breve cuestionario en liña dentro do prazo establecido. Posteriormente, un equipo técnico formado por persoas expertas de cada unha das entidades socias do proxecto seleccionará as empresas participantes, aplicando criterios de complementariedade que permitirán facilitar a cooperación empresarial, garantindo unha perspectiva transfronteiriza.

Para participar no proceso selectivo e aspirar a participar nas actividades do proxecto, as empresas interesadas deberán enviar o cuestionario en liña cuberto antes do 30 de novembro.