Estamos para axudarche a atopar as respostas ás túas preguntas. Resolvemos as túas dúbidas sobre localización das bibliotecas, horarios, actividades; guiámoste nas túas procuras no catálogo; dicímosche como inscribirte nun curso; orientámoste na procura de información de calquera tipo. Calquera que sexa a túa necesidade de información, intentaremos resolvela ou dirixirte cara a quen o poida facer.

Quéreste informar das novas que imos publicando na web e nas redes sociais sen necesidade de visitar constantemente as súas páxinas? Propoñémosche subscribíreste empregando os RSS. Que non sabes que é isto? Non te preocupes: explicámoscho e dicímosche como podes seguirnos. Ademais pódeste subscribir ao noso boletín de noticias e recibilo periodicamente no teu correo electrónico.

Pero tamén queremos que nos envíes as túas suxestións e opinións. Axúdanos a mellorar e a ofrecerche un mellor servizo.