O Consello Internacional de Museos (ICOM) creou o Día Internacional dos Museos para sensibilizar o público sobre o papel dos museos no desenvolvemento da sociedade.

Este ano o tema internacional dos museos será (memoria + creatividade)= progreso social.



SALA PALEXCO Exposición Tres puntos non aderezados de José Pedro Croft 12.00 h Taller de escultura contemporánea para familias con nenos e nenas a partir dos 4 anos. Previa reserva Tel. 881 91 30 55 

MUSEO ARQUELÓXICO CASTELO DE SAN ANTÓN 17.30 h Os ratos van ao mar de Trinketrinke.

Contacontos teatral para nenos e nenas de 3 a 8 anos e as súas familias. Lupiña, a ratiña de Lonxedetodo compartirá incribles contos sobre o mar, baleas e piratas. 

PRAZA DE LUGO E OBELISCO18.00 h - 22.00 h Celebra os museos: debuxa! Convidamos os coruñeses a celebrar o Día dos Museos implicándose nunha actuvidade divertida e accesible para todos, debuxar. En caso de choiva realizarase nos soportais do Concello.

20.00 h Obelisco Concerto do grupo de Jazz Ensemble da Escola Municipal de Música da Coruña. En caso de choiva realizarase nos soportais do Concello. 

CASA MUSEO MARÍA PITA 19.00 h Regueifas para María Pita Josiño da Teixeira e Bieito Lobariñas empregan a improvisación oral en verso para crear divertidas estrofas para María Pita. 

CASA MUSEO PICASSO 20.00 h Microteatro con La Tuerka 27 Ópera Prima, O conto de Numa e Tinta e choiva son tres sorprendentes obras ligadas con arte e creación artística.  

CASA MUSEO CASARES QUIROGA 21.00 h Música para Casares Concerto lírico da soprano Carla Romalde que interpreta algunhas das pezas que a Santiago Casares lle gustaba escoitar.

KIOSCO ALFONSO Exposición Ritmo mareiro de Vari Caramés 21.00 h Visita guiada exposición con Vari Caramés. Previa reserva Tel. 881 91 30 55.