Concello da Coruña

Boa parte dos datos Smart serán postos a disposición da cidadanía e as empresas.

Esta iniciativa, por alcance de servizos, situará á cidade da Coruña como referente nacional de apertura de datos municipais cara aos cidadáns. Cóbrese deste xeito, un obxectivo identificado como prioritario: a democratización dos servizos ao cidadán. A estratexia OpenData identifícase tamén como favorecedora de iniciativas que impulsen a competitividade do sector privado.

A plataforma Coruña Smart City integra datos que recompila de fontes diferentes para xerar servizos de maior valor engadido. Os datos Smart recompilados e que sexan públicos, poden ser consultados por terceiros.

A través do portal Open Data o cidadán pode consultar por exemplo, datos de poboación extraídos do padrón da Coruña, datos de ingresos e vehículos extraídos do sistema de xestión do IVTM ou datos relativos a usos do cartón cidadán: Millenium.