As Bibliotecas Municipais da Coruña organizan unha charla aberta coa dramaturga e actriz Esther Carrodeguas. Unha oportunidade para coñecer o oficio da escrita teatral, os procesos de creación contemporáneos e o camiño que percorre un texto desde o papel ata a posta en escena.

A autora estará acompañada polo director Xavier Castiñeira e polos integrantes do equipo artístico e elenco de Iribarne, a produción da compañía ButacaZero na que Carrodeguas asina a dramaturxia e participa tamén como intérprete. Unha cita para conversar de preto sobre as engrenaxes do teatro actual coas súas propias creadoras.

Sobre Esther F. Carrodeguas

Esther F. Carrodeguas (Rianxo, 1979) é graduada en Dirección e Dramaturxia pola Escola Superior de Arte Dramática de Galicia (ESADg), licenciada en Periodismo pola Universidade de Santiago de Compostela (USC) e a Universidade de Turín e técnica superior de imaxe.

Cunha vintena de obras teatrais publicadas, na súa traxectoria como escritora tamén ten traballado xéneros como poesía, periodismo, narrativa e guión audiovisual. Os seus textos foron representados tanto en compañías privadas (De Ste Xeito, Octubre Producciones) como públicas (Centro Dramático Galego, Teatro Español, Centro Dramático Nacional).

Galardoada co Premio de Teatro María Casares a mellor autora no ano 2025, pola súa obra Iribarne.

Dirixe, xunto a Xavier Castiñeira, a compañía teatral ButacaZero, desde a que propoñen un teatro que dialoga coa actualidade cunha mirada crítica e irónica.