Adscrita á Área de Alcaldía, dela dependerá a seguinte estrutura administrativa:

• Secretaría Particular
• Departamento de Relacións Públicas e Protocolo
• Prensa
• Todos os servizos municipais dependentes da Alcaldía, excepto a Asesoría Xurídica municipal.

Facultades

1. Prestar os servizos e asistencias complementarias que require o exercicio da Alcaldía en materias tales como secretaría, comunicacións, organización, protocolo, locomoción de cargos electos, seguridade, medios de comunicación e similares.
2. Proporcionarlle á alcaldesa a información técnica e política que resulte necesaria para o exercicio das súas funcións.
3. Coordinar a información dos programas, plans e actividades das distintas áreas, co fin de lle facilitar á alcaldesa a dirección da política, o Goberno e a Administración municipal e o establecemento das directrices xerais.
4. Efectuar o seguimento da execución das decisións da Alcaldía e avaliar a efectividade delas.

Competencias

• Dirixir, xestionar, inspeccionar e impulsar os servizos ao seu cargo, mesmo ditando actos administrativos de mero trámite nos procedementos que se lle encomenden, sen prexuízo da superior facultade de dirección, que lle corresponde á alcaldesa, tenente/as de alcaldesa responsable da área ou concelleira/a responsable da área.
• Asinar as notificacións dos acordos e resolucións ditados nos expedientes tramitados polos servizos ao seu cargo, e en xeral as comunicacións con particulares, con excepción das que correspondan á Secretaría Xeral do Pleno e á Oficialía Maior.
• Subscribir os anuncios e edictos necesarios para a publicación dos trámites e resolucións de información pública dos procedementos administrativos a cargo dos seus servizos.
• O recoñecemento de obrigas derivadas de compromisos de gastos adquiridos nos mesmos supostos e cos mesmos límites cuantitativos e cualitativos establecidos para as atribucións de autorización e disposición de gastos delegadas pola Alcaldía ou pola Xunta de Goberno Local. Tamén se delega a ordenación dos pagos con cargo a conta de habilitación ou anticipo de caixa fixa dos servizos ao seu cargo, de conformidade co establecido nas Bases de Execución do Orzamento e restante normativa de aplicación, así como aprobar as respectivas contas xustificativas.
• En materia de xestión económica e contratación, estarase ás delegacións que lle confira en cada momento a XGL, de acordo co sinalado no Decreto de Alcaldía núm. 5863, do 8 de setembro de 2020, polo que se modifican os parágrafos c) e d) do Apartado Terceiro do Decreto 3847/2019, do 26 de xuño de 2019.