Instrución da Xunta de Goberno Local 1/2020, sobre tramitación de espectáculos públicos e actividades recreativas e comerciais en espazos públicos a iniciativa particular no Concello da Coruña

A dificultade xurdida na tramitación e resolución das solicitudes de autorización de eventos en espazos públicos (p.e. Festa da cervexa artesá, "bollu preñao", Coruñam, Festa da familia....), posta de manifesto polas áreas de Emprego e Comercio, Servizos Sociais, Urbanismo e Mobilidade, Cultura e Seguridade Cidadá, evidencia a necesidade de establecer unha tramitación administrativa unificada e simplificada para todos os servizos municipais, que determine claramente atribucións e que axilice a resolución dos procedementos, como así propuxeron as áreas referidas.

Regula a tramitación de autorizacións de ocupación de espazo público para espectáculos públicos ou actividades recreativas ou comerciais en espazos públicos que non foron obxecto dun procedemento de concorrencia competitiva.

A tramitación corresponderalle ao servizo/departamento municipal que se determinará en función da vinculación da actividade/espectáculo programado cos intereses de cada área de goberno, para o que se requirirá, en todo caso, como requisito indispensable dun informe declarando o interese municipal.