Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

O PSOE aplaude o traballo de ABAC e comprométese a apoiar desde María Pita os seus programas de saúde

O portavoz, José Manuel García, interesouse polos proxectos da Asociación de Bulimia e Anorexia da Coruña, durante a súa visita á sede da entidade

O Partido Socialista comprometeuse a incrementar o apoio que desde María Pita se lle vén ofrecendo á Asociación de Bulimia e Anorexia da Coruña (ABAC), co fin de garantir a súa actividade e fomentar o desenvolvemento de novos programas de saúde.

O portavoz socialista, José Manuel García, destacou o importante traballo que realiza ABAC na cidade e na provincia, na prevención e intervención dos trastornos da conduta alimentaria. Na súa visita á sede de ABAC, no Barrio das Flores, acompañado pola edil Pilar Neira e a secretaria de Políticas Sociais do PSOE, Rosa Barreiro, coñeceu as instalacións, así como os programas que veñen realizando para atender enfermidades que afectan a entre un 5% e un 6% dos adolescentes, segundo datos da OMS.

A entidade, fundada en 1996 por familias de persoas con trastornos da conduta alimentaria, conta con apoio de diferentes administracións, entre elas o Concello, aínda que resulta insuficiente para manter a actividade e reforzar os programas de saúde que veñen realizando.

Neste sentido, o portavoz socialista destacou o compromiso do Grupo Municipal Socialista, que defendeu no actual mandato o mantemento dos convenios nominativos coas entidades sociais, que como ABAC realizan un labor notable na cidade, e comprometeuse a traballar en novas fórmulas que permitan mellorar o apoio do Concello a ABAC.

José Manuel García agradeceulle á dirección de ABAC o traballo que veñen desenvolvendo desde 1996. Desde 2013 veno facendo na sede do Barrio das Flores, un inmoble cedido no seu día polo goberno socialista.

PSdeG PSOE

Datos de contacto

Enderezo: praza de María Pita, 1. 15001. A Coruña

Teléfono: 981 184 260

Correo electrónico: grupo.municipal.socialista@coruna.es

Propostas e opinións

resultados 73

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión