Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

10 de xaneiro de 2020

O concello insta a Núñez Feijóo a cambiar o trazado do Corredor atlántico para evitar quilometraxe innecesaria

O Goberno local aposta por incorporar liñas que conecten A Coruña con Monforte sen ter que pasar expresamente por Vigo, tal e como está previsto na actualidade o proxecto

O concello insta o presidente da Xunta, Alberto Núñez Feijoo, a que modifique o trazado do novo Corredor Transeuropeo de Mercadorías, tras as declaracións que realizou onte, en que o responsable autonómico desbotou cambios nos itinerarios dos que A Coruña sairía reforzada xa que, segundo o Goberno local, non é necesario que as liñas que conectan coa cidade pasen expresamente por Vigo e poderían comunicar directamente co norte da comunidade desde Monforte.

Esta conclusión sacouna este verán a alcaldesa Inés Rey conxuntamente coa Confederación de Empresarios de La Coruña, logo dunha reunión co seu presidente, Antonio Fontenla, en que acordaron a necesidade de modificalo, porque tal e como está configurado o trazado suporá un prexuízo para a patronal coruñesa.

Foi a CEC a que propuxo unha alternativa que uniría Monforte con Lugo e A Coruña, unha medida que tería en conta tamén a Ferrol e o seu contorno. Outra das entidades que está a prol desa bifurcación é a Cámara de Comercio da Coruña, que demanda un equilibrio no proxecto e que o corredor atlántico parta de León, chegue a Monforte e desde as terras de Lemos continúe en dous ferrocarrís a Ourense-Vigo e a Lugo-A Coruña.

Desde o concello cren que esta opción estruturaría dun xeito harmónico o territorio e evitaría a quilometraxe que supón que as cargas con destino ou orixe na cidade usen de forma obrigatoria o servizo que chega á parte sur de Galicia, ademais de darlle unha mellor saída aos portos da Coruña e Ferrol.

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión