Concello da Coruña

Concello da Coruña

Cando:

15 de setembro de 2021

Inés Rey insta á Xunta a aclarar cal é o seu compromiso económico co Porto

Na Comisión de Traballo do Porto acordouse elaborar unha nova versión do protocolo que regule os peiraos de Batería e Calvo Sotelo

A alcaldesa da Coruña, Inés Rey, solicitou á Xunta que aclara cal vai ser o seu compromiso co porto, despois de que a Xunta ofrecer un investimento de 20 millóns de euros que agora reduce á cuarta parte desa cantidade. Rey recordou que durante os catro anos de goberno do PP en todas as Administracións, incluído o Concello, non houbo ningún avance, e que desde que ela mesma convocara o cumio do 23F encarrilouse unha solución que inclúe a construción do ferrocarril a Langosteira (171 millóns de euros), a reordenación da débeda da Autoridade Portuaria e a asunción de compromisos económicos por parte do Concello.

Doutra banda, a reunión da comisión interadministrativa celebrada hoxe en María Pita acordou a redacción dunha nova versión do protocolo e dun novo convenio para a denominada Zona 1 (Batería e Calvo Sotelo), documentos que substituirán aos asinados no 2004.

Concello, Xunta, Autoridade Portuaria, Deputación e ADIF estiveron representados na comisión, que concorda tamén na necesidade de que o desenvolvemento e integración dos peiraos se leve a cabo desde un ente público de xestión. Na reunión quedou patente que non é preciso que exista unha correlación entre a participación na adquisición dos terreos e as obras de urbanización. Segundo o concelleiro de Urbanismo, Juan Díaz Villoslada, a lei non impide efectuar investimentos públicos mediante convenios ou figura semellantes.

No encontro, Villoslada defendeu a necesidade de avanzar, mediante a elaboración dun Plan Director, nunha planificación urbana de calidade, sen desbotar que o Plan Director ordene a zona 2 e se avance na zona 1 mediante o uso doutras figuras de xestión urbanística. En todo caso, as partes coinciden na necesidade de levar a cabo unha boa planificación para uns espazos especialmente sensibles (tanto zona 1 como zona 2) e en plantexar proxectos que sexan compatibles con algunha das liñas de financiamento da Unión Europea.

Convenios urbanísticos

Desde este apartado pódese ter acceso ao texto dos convenios urbanísticos asinados polo Concello da Coruña con outras administracións públicas ou entidades particulares.

Convenios urbanísticos

Documentos en exposición pública

Exposición pública

Para ler os documentos...

Para poder ler os documentos deste especial necesita descargar o lector gratuíto de PDF.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión