Concello da Coruña

Concello da Coruña
  • Compartir
  • Engadir ao meu móbil | 
  • Imprimir

Cando:

29 de abril de 2022

Aprobacion inicial da modificación da Ordenanza reguladora da concesión de axudas á conservación e rehabilitación de edificios de vivendas

O pasado 7 de abril o Pleno do Concello acordou aprobar inicialmente unha modificación da Ordenanza municipal reguladora da concesión de axudas para a conservación e rehabilitación de edificios de vivendas, e abrir un período de información pública e audiencia aos interesados para a presentación das reclamacións e suxestións que estimen oportunas.

Coa publicación do seu anuncio no BOP do 29.04.2022 abriuse o período de información pública, de 30 días, para que os interesados poidan presentar as reclamacións e suxestións que estimen oportunas á modificación da Ordenanza municipal reguladora da concesión de axudas para a conservación e rehabilitación de edificios de vivendas aprobada inicialmente polo Pleno do Concello na súa sesión do 07.04.2022.

No caso de que neste prazo non se presente ningunha reclamación ou suxestión, entenderase automaticamente elevado a definitivo o acordo ata entón provisional nos termos do art. 49 da Lei 7/1985, do 2 de abril, reguladora de bases de réxime local.

O texto refundido da ordenanza, no que se inclúen as modificacións aprobada polo Pleno, pode consultarse no Taboleiro de Anuncios e Edictos do Concello da Coruña localizado na Sede electrónica Municipal, ou descargarse na seguinte ligazón: Texto aprobado inicialmente da modificación da Ordenanza reguladora da concesión de axudas para a conservación e rehabilitación de edificios de vivendas

As modificacións introducidas son as seguintes:

1. Para fomentar a participación dos inmobles da cidade no programa e o emprego sistemático da monitoraxe enerxética como instrumento de validación do resultado das actuacións rehabilitadoras:

  • Inclúense dentro do custo subvencionable das actuacións os sistemas de monitoraxe de consumos enerxéticos e condicións ambientais do inmoble que permita avaliar a eficacia do investimento e dos sistemas de transmisión de información á plataforma municipal para a súa xestión.
  • Increméntase a contía das axudas ás actuacións de mellora de eficiencia enerxética que inclúan estes sistemas de monitoraxe e de transmisión de información, coa condición de que se implanten e transmitan a información durante uns períodos determinados con anterioridade e posterioridade á execución da actuación.
  • Inclúense entre os criterios de clasificación das actuacións de mellora de eficiencia enerxética a inclusión destes sistemas de monitoraxe e de transmisión de información. En aplicación do artigo 18.4 da Lei xeral de subvencións, incorpórase a posibilidade de que as convocatorias de concesión de axudas obriguen á adopción de medidas de difusión para dar publicidade ao financiamento público das actuacións por parte do Concello da Coruña

2. Incorpórase a posibilidade de aboamento do importe total da subvención concedida, logo da constitución previa dunha garantía do 50% do devandito importe total, mediante retención do pago correspondente polo Concello da Coruña.

3. Incorpórase a posibilidade de que o beneficiario acredite que se atopa ao corrente dos seus deberes tributarios, fronte á Seguridade Social e fronte ao Concello mediante declaración responsable cando o importe individual non supere os 3.000 €.

4. Na ordenanza vixente existe unha discrepancia no establecemento do límite de idade coa que unha persoa pode optar ás axudas para obras de accesibilidade reguladas no seu artigo 7.2, xa que na referencia a este límite nos artigos 7.2. c) e 11.1. g) refírese a persoas maiores de 70 anos, e nos artigos 8.1 e 13.1 refírese a persoas de idade igual ou superior a 70 anos.

A modificación formula a súa corrección no termo mais favorable á cidadanía, homoxeneizando o abano de idade a persoas con idade igual ou superior a 70 anos.

5. Suprímese a referencia existente no artigo 2.7 ao Anexo I da Ordenanza, xa que dito Anexo non chegou a incorporarse ao texto da ordenanza aprobado definitivamente polo Pleno da Corporación, e o dito modelo de informe médico poderá establecerse nas convocatorias de axudas nas que proceda a súa esixencia.

6. Finalmente, aprovéitase esta modificación do texto da ordenanza para corrixir erros de léxico ou gramaticais identificados na súa tradución ao galego.

Novas

Solicitudes

Normativa municipal

  • [GAL] OMR de axudas para a conservación e rehabilitación (175 KB)
  • [CAS] OMR de axudas para a conservación e rehabilitación (177 KB)
  • [GAL] Ordenanza de conservación e rehabilitación (146 KB)
  • [CAS] Ordenanza de Conservación e Rehabilitación (153 KB)
  • OMR de axudas para mellora estética no ámbito PEPRI (183 KB)

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión