No día de hoxe publicouse no Boletín Oficial da Provincia o texto íntegro da Ordenanza municipal reguladora da concesión de axudas para a conservación e rehabilitación de edificios de vivendas, destinada á subvención dos seguintes tipos de actuacións:

1. Obras de mellora da eficiencia enerxética que permitan alcanzar unha redución da demanda enerxética anual do inmoble de polo menos un 25% sobre a situación previa á actuación.
2. Obras de accesibilidade, tanto sobre elementos comúns dos edificios como no interior das vivendas.
3. Obras de adecuación das condicións de habitabilidade das vivendas.
4. Obras de mellora na sustentabilidade dos inmobles.
5. Actuacións sobre os elementos obxecto de protección dos inmobles incluídos nos catálogos do Plan xeral ou do Plan especial de protección e reforma interior da Cidade Vella e Pescaría.
6. Obras de conservación de edificios de uso residencial de vivenda colectiva con máis de 50 anos de antigüidade.

Pode descargar o documento na seguinte ligazón:

DESCARGAR ORDENANZA EN PDF (BOP)

As consultas sobre a ordenanza pódense realizar a través da seguinte LIGAZÓN