Itaca fai referencia a Internacional Tour de Arte e Cultura Asociación e nace en 2019 na Galería Prado Goyart de Madrid co obxectivo de chegar a convenios e acordos estables nos dous lados do océano Atlántico. Actualmente e a pesar dos difíciles tempos de pandemia son máis de 20 países asociados cuns 500 artistas en participación anual. Desde Rusia e países do leste de Europa ata América do Norte e Sur pasando por países escandinavos, centro Europa e mediterráneos.

Trátase de facilitar a difusión da arte internacional dos nosos asociados, partners e amigos convidados coa colaboración de galerías, museos, centros culturais e asociacións adheridas.

A exposición que presentamos é de temática libre, atopando diversos estilos e tendencias, desde unha parte máis figurativa, outra con incidencia na abstracción e un conxunto de obras onde estilos máis propios teñen o seu lugar. Trátase de ver unha representación máis ou menos ampla das diversas tendencias e estilos que se realizan en varios lugares do mundo. Participan artistas de Colombia, España, Italia, Mexico, Perú, Francia e Suíza, neste caso.

ITACA é un camiño para percorrer, onde as experiencias toman protagonismo por encima do destino final e a súa razón máis profunda de ser é usar a arte como medio de comunicación e fraternidade entre pobos diversos.