Dosis de paraíso é a nova creación de Sharon Fridman, unha exploración sobre o amor e as relacións, na que se desenvolve un diálogo coas novas tecnoloxías en procura de espazos emocionais, grazas á colaboración con artistas de España, Bélxica e Israel.

Este traballo de investigación e creación desenvolveuse no marco de residencias técnico-artísticas no Teatro Francisco Rabal de Pinto, onde a compañía é residente desde outubro de 2018.

Un corazón precipítase

escurriéndose da soidade.

Fuxido no Outro

confunde o latexado

perdéndose na unión,

¿onde o paraíso?

A repetición é clave neste traballo, a través dela vaise desenvolvendo a transformación dun estado dentro dun ciclo. Repetindo unha acción, un xesto, consolidamos unha ruta, e só levando ese mesmo movemento ao seu límite poderemos bifurcar cara a outro lugar. Para a determinación do espazo escénico desenvolveuse unha intensa investigación sobre como as novas tecnoloxías lumínicas e audiovisuais poden contribuír á creación de atmosferas emocionais e suxerir alteracións no transcorrer do tempo. A dramaturxia da luz convértese nun enfoque fundamental á hora de debuxar "paisaxes anímicas", permitindo saltar dun espazo no que habita unha realidade existencial e cotiá a un espazo simbólico, imaxinario, no que se revelan outros planos do real.

Dirección e coreografía: Sharon Fridman

Bailaríns: Melania Olcina, Arthur Bernard Bazin/Maite Larañeta

Músico en escena: Ofer Smilansky

Asistente de dramaturxia: Antonio Ramírez-Stabivo

Música orixinal: Idan Shimoni e Ofer Smilansky

Deseño de espazo escénico: Sharon Fridman e Ofer Smilansky

Deseño de vestiario: Mizo, by Inbal Ben Zaken

Deseño de son: Iñaki Ruiz Maeso

Asistente de escenario: Carlos Peñalver

Deseño gráfico: Juan Bo Bo

Fotografía: Kinerama

Produción executiva: Lola Ortiz de Lanzagorta (New Dance Management)

Distribución nacional: SEDA S.L. Masé Moren

Venda de entradas

Despacho de billetes Praza de Ourense: de luns a xoves de 10.00 a 14.00 h. e de 15.00 a 18.00 h.; venres de 10.00 a 15.00 h.

Despacho de billetes Teatro Rosalía: só abre os días de función