Concello da Coruña

Concello da Coruña

Cando:

29 de abril de 2022

A exposición ‘Los Quijotes de Mingote’ abre as actividades paralelas ao Encontro Mundial de Humorismo

O evento achegará aos visitantes a visión de Antonio Mingote sobre a obra “Don Quijote de la Mancha” e poderá visitarse ata o 26 de xuño

A alcaldesa, Inés Rey, participou esta tarde na inauguración da exposición 'Los Quijotes de Mingote' na Casa da Cultura Salvador de Madariaga, xunto co artista coruñés Siro López, colaborador do Instituto Quevedo. Esta inauguración marca o comezo da segunda edición do Encontro Mundial do Humorismo, que terá lugar do 29 de abril ao 8 de maio, onde a exposición formará parte das actividades paralelas ao evento.

'Los Quijotes de Mingote' chega á Coruña en colaboración co Instituto Quevedo do Humor e o Concello de A Coruña, e achega ao público unha selección das obras que Antonio Mingote realizou para ilustrar "Don Quijote de la Mancha", edición de Martín de Riquer editado por Editorial Planeta en 2005, con motivo do cuarto centenario da publicación da primeira parte do Quixote.

A mostra permite coñecer dende outra perspectiva ao célebre fidalgo Don Alonso Quijano, cuxa historia pon de manifesto a universalidade do humor, converténdose na obra máis destacada da literatura española e universal.

A través das ilustracións seleccionadas do autor, o visitante pode seguir o fío narrativo da obra dende a propia visión do autor da obra mestra máis recoñecida da literatura española. Ademais, a exposición conta cun caderno de bosquexos de Mingote, que mostra a faceta máis artística e íntima do autor, creándose unha experiencia didáctica para o visitante.

A exposición será gratuíta e terá lugar dende o 29 de abril ata o 26 de xuño na Casa da Cultura Salvador de Madariaga, das 9:00 ata as 20:00 de luns a sábado.

Comeza a programación do Encontro Mundial do Humorismo

Durante dúas semanas, A Coruña acolle a segunda edición do EMHU con actividades que se celebrarán ata o 8 de maio, convertendo á Coruña na capital do humorismo e o punto de referencia para os cómicos e cómicas do país.

En canto ao resto da programación gratuíta paralela ao Encontro Mundial do Humorismo, o 2 de maio celebrarase o coloquio 'Wenceslao Fernández Flórez, do papel ao celuloide' en Afundación. O 4 de maio Afundación acollerá o espectáculo 'Humorismo e política', o 5 de maio o Teatro Colón será o escenario de 'A banda sonora da nosa risa', coa Banda Municipal e, por último, o domingo 8 de maio emitirase en directo o programa 'A vivir que son dos días', tamén no Teatro Colón.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión