Melendi esgotou en menos de dúas horas todas as entradas para o seu concerto do sábado 4 de novembro no Coliseum da Coruña. As localidades puxéronse á venda esta mañá, ás 12.00 horas, a través de Ataquilla, Enterticket e no despacho de billetes da praza de Ourense e, antes das 14.00 horas, xa estaban todas vendidas.

Segundo o acordado entre o Concello e a promotora do artista asturiano, actívase unha segunda data, que será o venres 3 de novembro, tamén no Coliseum. As entradas estarán dispoñibles a partir deste martes, 19 de setembro, ás 12.00 horas. Poderanse adquirir polas mesmas vías que no día de hoxe: Ataquilla, Enterticket e na praza de Ourense.

A alta demanda de entradas para o concerto de Melendi pon de manifesto a calidade e variedade da programación cultural e musical da cidade deseñada polo Goberno de Inés Rey. Esta mesma semana, por outra banda, terá lugar o ciclo de concertos Noites do Porto, que xa conta con varias datas con entradas esgotadas.