Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

25 de setembro de 2020

O Concello pechará San Andrés ao tráfico o primeiro sábado de cada mes

A alcaldesa anunciou hoxe esta medida co obxectivo de reactivar o comercio e de que a cidadanía recupere as rúas, despois do éxito do Día sen Coches, en que non se rexistrou ningún problema de mobilidade na contorna desta rúa

A alcaldesa, Inés Rey, anunciou esta mañá nun programa radiofónico local que a rúa San Andrés se pechará ao tráfico o primeiro sábado de cada mes pola tarde. Deste xeito, o vindeiro sábado, 3 de outubro, será o primeiro de moitos en que a veciñanza poderá desfrutar desta vía.

Tal e como fixeron no Día sen Coches que se celebrou o pasado martes con motivo da Semana Europea da Mobilidade, os comercios e a hostalaría poderán abrir as súas portas á rúa e desfrutar dunha das arterias da cidade. Desde a Concellería de Urbanismo, Infraestruturas e Mobilidade, explican que, durante a tarde do pasado martes, non se rexistrou ningún problema de mobilidade na contorna da rúa San Andrés, máis alá do aumento normal de tráfico nas vías alternativas a esta.

Rey asegura que o obxectivo desta medida é "reactivar o comercio e a recuperar as rúas para a cidadanía" e sinala que durante o Día sen Coches "as e os comerciantes trasladáronnos a súa satisfacción con esta decisión e pedíronnos que non quedase nun feito puntual".

A alcaldesa tamén anunciou que están estudando a posibilidade de que esta medida se estenda a algún domingo e, dese xeito, poder ligalo co Mercado Ecolóxico do Campo da Leña.

Esta peonalización provisional de San Andrés, que se realizará unha vez ao mes, servirá como precedente ao proxecto do Goberno local de reurbanizar esta vía, que xa foi pola veciñanza e polas/os comerciantes da zona, e cos que se consensuará a súa execución. Desde a concellería que dirixe Juan Díaz  Villoslada, sinalan que grazas a este proxecto, que se atopa pendente dos últimos trámites antes da súa licitación, "haberá máis espazo para as persoas e introduciranse arboredo e mobiliario urbano na rúa".

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión