A alcaldesa, Inés Rey, recibiu o mércores na contorna da Torre de Hércules o xurado do concurso Masterchef, que estivo estes días na cidade xunto a todo o equipo do programa da Televisión Española (TVE). Pepe Rodríguez, Samantha Vallejo-Nágera e Jordi Cruz contáronlle á rexedora como foi a súa experiencia na Coruña ao lado dun chef referente como é Luis Veira e mais todo o que visitaron durante a súa estancia.

Rey sinalou que a emisión do programa permitirá que a audiencia coñeza as riquezas gastronómicas da Coruña e o enorme potencial que ten a súa cociña baseada na frescura dun produto atlántico e de proximidade. Durante tres días, Masterchef plasmou parte da maxia da cidade nunha entrega que se poderá ver tras o verán dentro dunha nova edición "celebrity".