Na moción, o Goberno local esíxelle á Xunta que revise os concertos cos hospitais e clínicas privadas e que elimine aqueles quenon sexan necesarios, tal como dispón a Lei Xeral de Sanidade. O texto tamén recolle que reduzan as listaxes de agarda e tempos de demora das consultas de atención  hospitalaria e que se palie a carencia de recursos públicos sociosanitarios da Coruña. Desde María Pita, piden que se acabe coa política de privatización e a de derivar pacientes a clínicas privadas de xeito innecesario. Denuncian a precariedade e a explotación laboral do cadro de persoal do Sergas e propoñen elaborar un plan de mellora da atención primaria, de saúde mental e de atención á saúde das mulleres, así como un axuste orzamentario ás necesidades reais dos centros de saúde para dotalos de profesionais que garantan unha atención accesible e de calidade.