A vida de Carmen Díez de Rivera foi tan excepcional que ten paralelismos coas traxedias gregas como Antígona ou Ariadna. Nada nunhas circunstancias familiares rocambolescas, dentro do máis selecto da aristocracia española, renunciou aos privilexios de clase e chegou a alcanzar un posto que ningunha muller desempeñou neste país: xefa do Gabinete da Presidencia do Goberno.

E fíxoo nun dos períodos máis complexos e intensos da historia de España: a transición. Loitou, a miúdo soa, contra todo e contra todos. Posuidora dunha vontade firme, unha mirada intelixente, tivo sempre o propósito de guiar o seu país cara á democracia. A súa forza e valor neste labor público contrastan coa súa tristeza e a súa incapacidade para atopar a paz interior, rota dende a súa adolescencia por un segredo familiar que a atormentaba.

No escenario, Carmen vai debullando os momentos álxidos da súa intensa e desafiante carreira política mentres lembra os episodios íntimos que marcaron a súa desdita e o seu carácter. Pola súa memoria e polos nosos ollos pasarán algunhas das personaxes máis importantes da nosa historia.

Con Beatriz Argüello, Oriol Tarrasón, Ana Fernández e Víctor Massán

Dirección: Fernando Soto

Produción de Teatro Español e Tablas y Más Tablas

Venda de entradas: 

Despacho de billetes da praza de Ourense, de luns a venres das 11.00 ás 15.00 h e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña