Distopías cotiás é espazo de reflexión -que nace da man de Coruña Dixital- sobre tecnoloxías e prácticas na contorna dixital que, ata hai ben pouco, ocupaban a esfera da ciencia ficción e que a día de hoxe xa forman parte, en maior ou menor grao, da nosa realidade cotiá.

Nesta ocasión a sesión desenvolverase en formato conversa aberta sobre a Carta de Dereitos Dixitais, elaborada por un conxunto de persoas expertas a iniciativa da "Subdirección General para la Sociedad Digital" do Goberno de España, actualmente en fase de consulta pública.

Intervirán Sofía Prosper, Santiago Saavedra e Pablo Castro -de Trackula- quen, xunto a outras voces, están a preparar unha resposta á consulta pública  da Carta. Abordarase a forma e contido, así como tamén suxestións e críticas construtivas á mesma.

Esta sesión poderá seguirse tamén en directo a través de YouTube.